පෙම්වතා ගේ නිවසට ගොස් සිටියදී එම නිවසේ තාප්පයක් කඩා වැටීමෙන් ඊට යටවී තරුණියක මියගොස් ඇතැයි කලුතර උතුර පොලිසිය පවසනවා.
අනතුරෙන් මියගොස් ඇත්තේ වාද්දුව, මොරොන්තුඩුව ප්‍රදේශයේ පදිංචිව සිටී ප්‍රසාදිනී ප්‍රියංගිකා නමැති 23 හැවිරිදි තරුණියක් බවයි පොලිසිය පවසන්නේ.
පෙම්වතාගේ අත්තම්මා බැලීමට අවශ්‍ය බවට දුරකථන ඇමතුමක් ලබාදීමෙන් පසුවයි පෙම්වතා ඇයගේ නිවසට ගොස් ඇය කැටුව ගොස් ඇත්තේ.
එහිදී තරුණයා නිවස සිටුපස එළුවන් ට කෑම දැමීමට ගොස් තිබෙනවා.
එසේ සිටියදී තරුණිය නිවස පිටුපස තාප්පය අසල රැඳී සිට ඇති බවයි පැවසෙන්නේ.
එම අවස්ථාවේ තාප්පය ශරීරය මතට කඩාවැටි ඇති බවයි පැවසෙන්නේ.
මියගොස් ඇති තරුණිය ගේ පෙම්වතා ආරක්ෂක අංශයක සේවය කරන අයෙක්.
සිද්ධිය සම්බන්ධයෙන් අපරාධ පරීක්ෂණාගාර නිලධාරීන් එම ස්ථානයට පැමිණ පරීක්ෂණ ආරම්භ කර තිබෙනවා.
කලුතර උතුර පොලිසිය වැඩිදුර පරීක්ෂණ පවත්වනවා.
