ඔබේ ගෙවත්තේ නිකරුනේ වැවෙන මේ සුපිරි ඔසුව ගැන දන්නවාද?
සමහරවිට ඔබත් මේ ශාකය දැක ඇති. වගා කිරීමකින් තොරවම ගෙවත්තේ ඉබේ වැවෙන නිසා බොහෝ දෙනෙක් මෙහි ඇති වටිනාකම දන්නේ නැහැ. ජපන් බටු, සිංගප්පුරු කොළ, වැල් මුරුංගා, ආඬි කොළ වැනි නම් ගණනාවකින් හඳුන්වන මේ ශාකය සැබෑම පෝෂණ ගබඩාවක්.
ලංකාවට හඳුන්වා දුන් මේ ශාකය ආසියාතික රටවල් රැසක ජනප්රිය වන අතර, විදේශයන්හි ‘Sweet Leaf Bush’ සහ ‘Katuk Multi Vitamin’ ලෙසද හැඳින්වෙනවා.
සිංගප්පුරු කොළ වල ඇති විශ්මිත ගුණ:
ආයුර්වේදයට අනුව:
උණ, මුත්රා ආබාධ, දියවැඩියාව සහ සුව නොවන තුවාල සඳහා මෙම ශාකයේ කොළ, මල්, ගෙඩි සහ ඇට පවා යොදාගෙන තිබෙනවා.
පෝෂණ ගුණය:
මෙය විටමින් A, B, C, K, යකඩ, පොස්පරස් සහ විශේෂයෙන්ම කැල්සියම් වලින් පොහොසත් පළා වර්ගයක්.
නවීන විද්යාවෙන් තහවුරු කළ ප්රතිලාභ:
ඇස් පෙනීම වර්ධනය කරයි.
කිරි දෙන මව්වරුන්ගේ කිරි නිපදවීම වැඩි කරයි.
අධික කැල්සියම් ප්රමාණය නිසා ආර්තවය නැවතුණු කාන්තාවන්ට ඔස්ටියෝපොරෝසිස් (Osteoporosis) රෝගය වළක්වා ගැනීමට උපකාරී වේ.
අධික යකඩ සංයුතිය නිසා මාසිකව අධික රුධිර වහනය වන කාන්තාවන්ට ඇතිවන නිරක්තිය (Anaemia) වළක්වා ගැනීමට උදව් වේ.
ආහාරයට ගන්නා ක්රම:
මේ කොළ රසවත් මැල්ලුමක් ලෙස සකසා ගත හැකියි. එපමණක් නොව, දලු සහ ගෙඩි, කරවල හෝ හාල්මැස්සන් සමඟ රසට තෙල් දමා පිසගන්නත් පුළුවන්.
මීළඟ වතාවේ ඔබේ ගෙවත්තේ මේ ශාකය දුටුවොත්, එහි ඇති වටිනාකම අමතක කරන්න එපා.
(මූලාශ්රය: අන්තර්ජාලය)
