සන්නිවේදනය නැති ලිංගික ජීවිතය – නිහඬව මැරෙන සම්බන්ධතාවයක්
ලිංගික ජීවිතයක් බිඳ වැටෙන්නේ බොහෝ විට ඇඳේදී නොවෙයි.
ඒක බිඳ වැටෙන්නේ කතා නොකරන මොහොතෙන්.
දෙදෙනෙකු එකම ගෙයි, එකම ඇඳේ, එකම ජීවිතයක සිටියත්, ලිංගිකව දුරස් වෙන්න පුළුවන්. ඒ දුරස්වීමේ මුල් හේතුව බොහෝ විට ලිංගික ගැටලුවක් නොව, කතා කිරීමට බිය වීම.
“මෙහෙම කිව්වොත් ඔයාට හිතෙයිද?”,
“මගේ කැමැත්ත කියන්න ලැජ්ජයි”,
“ඇයි මට මෙහෙම දැනෙන්නේ?”
මේ නිහඬ ප්රශ්න හිත ඇතුළේ ගොඩ ගැහිලා, අවසානයේ ලිංගික සම්බන්ධතාවයත් මැරෙනවා.
ගැඹුරු සන්නිවේදනය කියන්නේ තාක්ෂණික දේවල් ගැන කතා කිරීම නෙවෙයි.
ඒක කියන්නේ තමන්ගේ ඇතුළත බිය, අවශ්යතා, සහ අසම්පූර්ණත්වයත් එක්ක එළියට එන්න හදාගන්න ධෛර්යය.
ලිංගික ජීවිතයක් සුවපහසු වෙන්නේ,
“ඔයාට මම මොනවද දෙන එක?” කියන ප්රශ්නයෙන් නෙවෙයි,
“ඔයා එක්ක මට ආරක්ෂිතද?” කියන හැඟීමෙන්.
👉 කතා කරන දෙදෙනෙක් අතර, ලිංගිකත්වය වචන නැතුවම ගලායනවා.
