හැබැයි තමන්ට තියෙන අඩුපාඩු පසෙකලා, ඒ හැම අභියෝගයක්ම තමන්ගේ සාර්ථකත්වයේ පඩිපෙළක් කරගත්තු අපූරු තරුණියක් ගැනයි මේ කතාව.
ඇය නමින් නිමේෂා. පසුගියදා ඇය උසස් පෙළ විභාගයෙන් ඒ සමර්ථ (A) 3ක් ලබා ගනිමින් මුළු රටම මවිත කළේ, තමන්ට ඇති බාධක තමන්ගේ ගමනට බාධාවක් නොවන බව ලෝකයටම ඔප්පු කරමින්.
පසුගියදා නිමේෂා හිරු ටීවී හි ජනප්රිය “කොපි චැට්” වැඩසටහනට සහභාගී වූ අතර, එහිදී ඇය දැක්වූ අදහස් කාගේත් දෑසට කඳුළක් එක් කළා. ඇය එතැනදී පැවසුවේ ඇය අද ඉන්න තැනට එන්න ශක්තිය වුණේ ඇයගේ අම්මා සහ අප්පච්චි බවයි.
“මං ඉපදෙනකොට මාව අභියෝගයක් වුණේ මට නෙවෙයි ඒ දෙන්නට. ඒ දෙන්නා වැටුණ තැන්වලින්, නැතිවුණ බලාපොරොත්තුවලින් කාලයත් එක්ක හිත හයිය කරගෙන තමයි අද මාව මෙතනට අරන් ආවේ…”
නිමේෂා එහිදී ලෝකයටම දුන්නේ ඉතාමත් වටිනා පණිවිඩයක්. ඇය පවසන පරිදි මනුස්සයෙක්ට වෙන්න පුළුවන් නරකම දේ ශාරීරික අඩුපාඩුවක් නෙවෙයි.
“මනුස්සයෙක්ට වෙන්න පුළුවන් නරකම දේ තමයි දරාගෙන යන්න පුළුවන් හයිය හිතක් නැති වීම. මං හිතන්නේ මට වෙලා තියෙන්නේ ජීවිතේ ලැබෙන්න තියෙන හොඳම දේ...”
