මේ කියන්න යන්නේ තවත් එක් කණගාටුදායක පුවතක්.
ඔලිවියර් සම්මානලාභී, ප්රවීණ බ්රිතාන්ය වේදිකා නළු ජෝන් වුඩ්වයින් (John Woodvine) ජීවිතක්ෂයට පත්ව තිබෙනවා.
ජීවිතක්ෂයට පත්වෙන විට ඔහුගේ වයස අවුරුදු 96ක්.
ඔහු Old Vic, National Theatre සහ Royal Shakespeare Company (RSC) හි වේදිකා නිෂ්පාදන 70කට අධික සංඛ්යාවකට දායක වී ඇති අතර, ‘An American Werewolf In London’ සහ ‘The Crown’ වැනි ජනප්රිය සිනමා සහ රූපවාහිනී නිර්මාණවලින් රසික හදවත් දිනාගත් අයෙක්.
වුඩ්වයින්ගේ අභාවය ඔහුගේ නියෝජිතයා වන ෆිල් බෙල්ෆීල්ඩ් විසින් නිවේදනය කරන ලද අතර, ඔහු නළුවාගේ වෘත්තීය ජීවිතය අගය කරමින් මෙසේ ප්රකාශ කර තිබෙනවා.
“ජෝන් අතිවිශිෂ්ට නළුවෙක් වූ අතර, Old Vic, National Theatre සහ Royal Shakespeare Company ඇතුළු වේදිකා නිෂ්පාදන 70කට අධික සංඛ්යාවක මෙන්ම Young Winston, An American Werewolf In London, Dragonworld, Persuasion, The Crown සහ මෑතකදී තිරගත වූ Enys Men චිත්රපටවල රඟපෑම් ඇතුළු කර්මාන්තයේ සෑම අංශයකම විශිෂ්ට හා විවිධ වූ වෘත්තීය ජීවිතයක් ඔහුට හිමි විය. ජෝන් සියලු දෙනාගේම මහත් ඇගයීමට ලක් වූ අතර, ඔහුව හමු වූ, දැන හඳුනා ගත් සහ ඔහු සමඟ වැඩ කළ සියලු දෙනා විසින් ඔහුව කනගාටුවෙන් සිහිපත් කරනු ඇත.”
