🧠 බුදු දහම ගැන පැහැදී පැවැදි වුන සෛල ප්රවේණික විද්යාඥයා ගැන
ඇමරිකාවේ විශ්වවිද්යාලයේ පිරිසක් පරීක්ෂණයක් කළා,
එකේ ප්රතිපල දැක්කට විද්යාඥයෝ පුටුවලින් ඇදගෙන වැටුනා..
ඔබ ලෝකයේ තිබෙන ඉහළම විද්යාත්මක සම්මානයක් වන නොබෙල් ත්යාගය පවා දිනාගත හැකි මට්ටමේ දක්ෂ, ලෝක ප්රකට පර්යේෂණ ආයතනයක සේවය කරන තරුණ විද්යාඥයෙක් කියලා. අතේ මිටේ ඕනෑවට වඩා මුදල්, සමාජයේ ඉහළම පිළිගැනීම, මේ හැමදේම ඔබට තියෙනවා.
එත් එක දවසක, ඔබ මේ හැමදේම දාලා, කිසිම කෙනෙක් අඳුරන්නේ නැති, හුදකලා හිමාල කඳු මුදුනකට ගිහින් මහණ වෙන්න තීරණය කරාවිද..?
මේක තමයි මැතිව් රිකාඩ් කියන අසාමාන්ය මිනිසාගේ සැබෑ ජීවිත කතාව. අද අපි කතා කරන්න යන්නේ, මුළු ලෝකයේම අවධානය දිනාගත්ත, විද්යාව සහ අධ්යාත්මය ගැටුණු ඒ අපූරු සන්ධිස්ථානය ගැනයි.
🧬 මැතිව් ඉපදුණේ ප්රංශයේ. ඔහුගේ පියා ප්රංශයේ සිටි ප්රමුඛතම දාර්ශනිකයෙක්. මව දක්ෂ චිත්ර ශිල්පිනියක්. කුඩා කාලයේ ඉඳලම මැතිව් හැදුණේ වැඩුණේ ලෝකයේ ප්රඥාවන්තම මිනිසුන් ඇසුරේ. ඔහු තරුණ කාලයේදීම ප්රංශයේ පාස්චර් ආයතනයෙන් සෛල ප්රවේණි විද්යාව (Cellular Genetics) ගැන ආචාර්ය උපාධියක් ලබාගත්තා.
ඒත් ඔහුගේ හිත ඇතුළේ මොකක්දෝ ලොකු හිස්තැනක් තිබුණා. දවසක් ඔහු ටිබෙට් ජාතික බෞද්ධ හිමිවරුන් කිහිපදෙනෙක් රූගත කරපු වාර්තා චිත්රපටයක් නැරඹුවා. ඒ මුහුණුවල තිබුණු අමුතුම විදියේ සාමකාමී බව මැතිව්ගේ හිතට තදින්ම වැදුණා.
ඇයි මේ අයට මෙච්චර සතුටින් ඉන්න පුළුවන්..? මා ළඟ හැමදේම තිබිලත් මගේ හිතේ මේ සාමය නැත්තේ ඇයි…?
ඔන්න ඔය ප්රශ්නය මැතිව්ව 1972 අවුරුද්දේදී ඉන්දියාවට අරන් ආවා. අවසානයේ ඔහු තීරණය කළා තමන්ගේ සුදු කබාය ගලවා දාලා, කහ සිවුරක් පොරවාගෙන හිමාලයේ ශීතල ගුහාවක භාවනා කරන්න..
⚡අවුරුදු ගණනාවකට පස්සේ, මැතිව් රිකාඩ්ව සොයාගෙන විද්යාඥයෝ පිරිසක් ආවා.. ඇමරිකාවේ විස්කොන්සින් විශ්වවිද්යාලයේ (University of Wisconsin) ස්නායු විද්යාඥ රිචඩ් ඩේවිඩ්සන් ප්රමුඛ කණ්ඩායමට වුවමනා වුණා භාවනාවෙන් ඇත්තටම මොළයට වෙන්නේ මොකක්ද? කියලා බලන්න.
ඔවුන් උන්වහන්සේගේ හිස මත Sensors 256ක් සවි කළා. පැය ගණනාවක් ඔහුට MRI ස්කෑනර් එකක් ඇතුළේ ඉඳගෙන භාවනා කරන්න කිව්වා. විශේෂයෙන්ම ඔවුන් කිව්වේ කරුණාව ගැන මෙනෙහි කරන්න කියලා.
පරීක්ෂණයේ ප්රතිඵල පරිගණක තිරයේ දර්ශනය වෙද්දී විද්යාඥයෝ පුටුවලින් ඇදගෙන වැටුණේ නැති ටික විතරයි..
ගැමා තරංග (Gamma Waves) – උන්වහන්සේගේ මොළයෙන් නිකුත් වූ ගැමා තරංග මට්ටම, මීට පෙර විද්යාත්මකව වාර්තා වී තිබූ ඉහළම මට්ටමටත් වඩා වැඩියි. එය සාමාන්ය මිනිසෙකුට වඩා 700% කින් වැඩියි…
මොළයේ වම් පස ඇති ප්රීතිය සහ ධනාත්මක බව පාලනය කරන ප්රදේශය (Left Prefrontal Cortex) කෙතරම් සක්රීය වී තිබුණාද කියනවා නම්, විද්යාවට අනුව ඔහු ලොව සන්තෝෂවත්ම මිනිසා (The Happiest Man in the World) ලෙස නම් කෙරුණා.
ලෝකයම පුදුම වුණේ, කිසිදු භෞතික සැප සම්පතක් නැති, කඳු මුදුනක ඉන්න භික්ෂුවක් මේ තරම් සතුටකින් ඉන්නේ කොහොමද කියන එක ගැනයි.
🧘 මේ පරීක්ෂණයෙන් පස්සේ උන්වහන්සේ ලෝකයට ලොකු පණිවිඩයක් දුන්නා. අපි හැමෝම හිතන්නේ සතුට කියන්නේ අහම්බෙන් ලැබෙන දෙයක් නැත්නම් ලොකු සල්ලි කන්දරාවක් ලැබුණම ඇතිවන දෙයක් කියලා.
ඒත් උන්වහන්සේ කියන්නේ සතුට කියන්නේ හරියට ජිම් එකකට ගිහින් මස්පිඬු වර්ධනය කරනවා වගේ වැඩක් කියලයි. ඒ කියන්නේ අපිට අපේ මොළය සතුටු වෙන්න පුහුණු කරන්න පුළුවන්. ඒකට ඔහු යෝජනා කරන රහස තමයි භාවනාව.
උන්වහන්සේ පවසන ආකාරයට, දවසට විනාඩි 15ක් අන් අය කෙරෙහි කරුණාව සහ මෛත්රිය පැතිරවීමෙන් අපේ මොළයේ ව්යුහය පවා වෙනස් කරන්න අපිට පුළුවන්. අද නවීන විද්යාවේ මේකට කියන්නේ Neuroplasticity කියලා. ඒ කියන්නේ බුදුදහමේ අවුරුදු 2500කට කලින් කියපු දේ අද විද්යාවෙන් තහවුරු වෙලා ඉවරයි.
❤️ උන්වහන්සේගෙන් මාධ්යවේදියෙක් දවසක් ඇහුවා, ඔබ කොහොමද මේ තරම් සතුටින් ඉන්නේ කියලා. උන්වහන්සේ දුන්න පිළිතුර හරිම සරලයි
“ඔබ ඔබ ගැනම විතරක් හිතනවා නම්, ඒක හරිම පීඩාකාරී වැඩක්. ඔබ අන් අයගේ සතුට ගැන හිතන්න පටන් ගත්ත මොහොතේ ඉඳන් ඔබ ඉබේම සතුටු වෙන්න පටන් ගන්නවා.”
උන්වහන්සේ තමන් ලියන පොත්පත් වලින් ලැබෙන මුළු මුදලම යොදවන්නේ හිමාලයේ ඉන්න අසරණ දරුවන්ට පාසල් සහ රෝහල් හදන්නයි. ඔහු “ලොව සන්තෝෂවත්ම මිනිසා” වුණේ තමන් සතුටු වුණ නිසා නෙවෙයි, ලෝකයම සතුටු කරන්න උත්සාහ කරපු නිසයි.
✨අපි හැමෝම ඉන්නේ ලොකු තරඟයක. සල්ලි පස්සේ, ජනප්රියත්වය පස්සේ දුවන අතරේ අපිට සතුට කියන දේ අමතක වෙලා.
විද්යාඥයෙකු ලෙස ජීවිතය පටන්ගෙන, පසුව බුදු දහමේ සත්යය අවබෝධ කරගත් මැතිව් රිකාඩ් අපිට පෙන්වා දෙන්නේ, නියම සතුට තියෙන්නේ අපේ හිත ඇතුළේ මිසක් එළියේ නෙවෙයි කියන එකයි.
ඔබත් අද ඉඳන් පුංචි උත්සාහයක් ගන්න. දවසට විනාඩි 10ක් නිශ්ශබ්දව භාවනා කරන්න. හිත ඇතුළේ තියෙන වෛරය, ඉරිසියාව අතහැරලා කරුණාව පුරුදු කරන්න. විද්යාවෙන්ම ඔප්පු කරලා තියෙන විදියට, එදාට ඔබත් මේ ලෝකයේ ඉන්න සන්තෝෂවත්ම මිනිසෙක් වේවි.. 🌸 👇
#MatthieuRicard #HappiestMan #Meditation #Buddhism #faith #prayer
