විවාහයක් කියන්නේ ඇත්තටම සරල කාරණයක් නෙවෙයි, නයිජීරියාව පැත්තට ගියාම ඒ කතාව තවත් හොඳට ඔබට තේරෙවි.
මොකද මේ කියන්න යන්නේ අන්න ඒ වගේ වෙනස්ම විවාහ චාරිත්රයක් ගැන කතාවක්.
ලොව පුරා විවිධ රටවල විවිධ වූ සංස්කෘතික සහ මංගල චාරිත්ර පවතින අතර, නයිජීරියාවේ ඇතැම් ප්රදේශවල පවතින සුවිශේෂී මංගල චාරිත්රයක් පිළිබඳව මේ වන විට සමාජ මාධ්යයේ දැඩි කතාබහක් නිර්මාණය වී තිබෙනවා.
මෙම සම්ප්රදායට අනුව, මංගල උත්සවය පැවැත්වෙන අවස්ථාවේදී මනාලිය හිනැහෙන තුරු ඇය වෙත මුදල් නෝට්ටු වර්ෂාවක් වැස්සවීමට මනාලයාගේ පාර්ශවය කටයුතු කළ යුතුයි.
නයිජීරියානු විවාහ උත්සවයකදී මනාලිය සාමාන්යයෙන් මුලින් ඉතා බැරෑරුම් මුහුණකින් යුතුව සිටින අතර, ඇයව සිනහ ගැන්වීම මනාලයාගේ පවුලේ අයගේ වගකීමක්. ඔවුන් ඇය ඉදිරිපිට නැටුම් ඉදිරිපත් කරමින් සහ ඇයගේ සිරුර මතට මුදල් නෝට්ටු විසි කරමින් (Money Spraying) ඇයව සතුටු කිරීමට උත්සාහ කරනවා.
මෙහිදී මනාලිය සිනාසෙන තෙක් මෙම මුදල් විසි කිරීම නතර කළ නොහැකියි.
මෙය මනාලියට දක්වන ගෞරවයක් සහ ඇයව තම පවුලට ආදරයෙන් පිළිගන්නා බව පෙන්වන සලකුණක් ලෙස සැලකෙනවා.
විදෙස් රටවල බොහෝ පිරිසක් පවසන්නේ මෙය අනවශ්ය මුදල් නාස්තියක් බවයි. විශේෂයෙන්ම ආර්ථික අර්බුද පවතින රටක මෙවැනි දෙයක් සිදුවුවහොත් එය විශාල ගැටලුවක් වනු ඇති බවට විවිධ මත පළවෙනවා.
