නැති වූ ජංගම දුරකතනය සොයා දුන්නාට ස්විට්සර්ලන්ත ජාතිකයාගෙන් දඹුල්ල පොලීසියට තුති
මහනුවර ප්රදේශයේ සිට දඹුල්ල ප්රදේශයට පෞද්ගලික මගී බස් රථයකින් පැමිණෙමින් සිටි ස්විස්ටර්ලන්ත ජාතික තරුණයෙකුගේ ජංගම දුරකතනයක් අස්ථානගත වී පැය කිහිපයක් ගතවෙද්දී දඹුල්ල මූලස්ථාන පොලීසියේ රථවාහන අංශයේ පොලිස් සැරයන්වරයෙකු සිදුකරන ලද සුවිශේෂී ක්රියාවක් හේතුවෙන් ඔහුගේ ජංගම දුරකතනය නැවත සොයාදීමට හැකි වූ බව දඹුල්ල මූලස්ථාන පොලීසිය පවසයි.
ස්විස්ටර්ලන්තයේ සිට මෙරට සංචාරයක් සඳහා පැමිණ සිටි (28) හැවිරිදි තරුණ ගුරුවරයකු වූ Gian Muller මහතා මහනුවර සිට අනුරාධපුර බලා ධාවනය වෙමින් තිබූ පෞද්ගලික බස් රථයකින් දඹුල්ලට පැමිණ තිබේ. මෙම සංචාරකයා දඹුල්ල නගරයෙන් බස් රථයෙන් බැස බැලීමේදී ඔහුගේ ඇපල් වර්ගයේ ජංගම දුරකතනය අස්ථානගත වී ඇති බව දැන ගෙන රථවාහන රාජකාරි කරමින් සිටි දඹුල්ල රථවාහන පොලීසියේ පොලිස් සැරයන් (46389) යූ.කේ. නිහාල් මහතා වෙත දැනුම් දී ඇත. වහා ක්රියාත්මක වූ පොලිස් සැරයන්වරයා සංචාරකයා සතුව තිබූ රථයේ ප්රවේශ පත්රය පරීක්ෂා කොට එහි ඇති දුරකතන අංකය හරහා බස් රථයේ හිමිකරු සම්බන්ධ කරගෙන රියැදුරුගේ සහ බස් කොන්දොස්තරවරයාගේ දුරකතන අංක ලබාගෙන ඔවුන්ට ඇමතුමක්දී බස් රථය තුළ ජංගම දුරකතනයක් තිබුණේද යන්න ප්රශ්න කරද්දී ඔවුන් ප්රකාශ කර ඇත්තේ එවැනි දුරකතනයක් බස් රථය තුළ නොතිබූ බවය.
පොලිස් සැරයන්වරයා බස් රථයේ හිමිකරුට නැවත ඇමතුමක් ලබාදී බස් රථය තුළ ආරක්ෂිත කැමරා පද්ධතියක් තිබේදැයි ප්රශ්න කර ඇති අතර එහිදී බස් රථයේ ආරක්ෂිත කැමරා පද්ධතියක් ඇති බව ප්රකාශ කිරීමත් සමඟ නැවත කොන්දොස්තරවරයාට ඇමතුමක් ගෙන බස් රථයේ ආරක්ෂිත කැමරා පද්ධතිය පරීක්ෂා කිරීමෙන් අනතුරුව නීතිමය පියවර ගන්නා බවට දැනුවත් කර තිබේ.
පසුව සැරයන්වරයාගේ ජංගම දුරකතනයට බස් රථයේ රියැදුරුගෙන් ඇමතුමක් ලැබී ඇති අතර බස් රථය තුළ ජංගම දුරකතනයක් තිබෙන බව ප්රකාශ කර කඩිනමින් එය දඹුල්ල පොලීසියට ගෙනැවිත් භාර දී ඇත.
මේ පිළිබඳව Gian Muller මහතා මෙසේ පැවසීය.
“මගේ ජීවිතේ නැවත ලැබුණා හා සමානයි. මම ශ්රී ලංකා පොලීසියට ස්තූතිය පළ කරනවා. මම ගුරුවරයෙක්. මගේ අධ්යාපන කටයුතු වගේම ජීවිතයේ වටිනා දත්ත ඡායාරූප රැසක් මෙම ජංගම දුරකතනයේ ගබඩා කරලා තියෙනවා. මම හිතුවේ නෑ ශ්රී ලංකා පොලීසිය මේ තරම් දක්ෂ ලෙස මෙය නැවත ලබාදෙයි කියලා…
