සුපිරි බොලිවුඩ් නිළි දීපිකා පදුකෝන් මෙටා සමඟ අත්වැල් බැඳගෙන තිබේ.
ඉන්දියාව, අමෙරිකාව සහ තවත් රටවල් 4 ක මෙටා AI සඳහා නව හඬ ලෙස දීපිකා පදුකෝන් සිය දායකත්වය දක්වන බව ඇය සිය සමාජ මාධ්‍ය ගිණුම් ඔස්සේ දැනුම් දී ඇත.
ඇගේ ඉන්ස්ටග්‍රෑම් ගිණුම ඔස්සේ ඇය මෙටා AI සඳහා චිත්‍රාගාරයකදී ඇගේ හඬ පටිගත කරන වීඩියෝවක් බෙදා හැර තිබුණි.
එහි ඇය පවසා සිටින්නේ “හායි, මම දීපිකා පදුකෝන්. මමයි මෙටා AI හි නව හඬ. ඉතින් මුද්ද තට්ටු කරන්න, එවිට මගේ හඬ විවර වේවි,” යනුවෙනි.
එමෙන්ම එම වීඩියෝව බෙදා ගනිමින් ඇය සටහන් කර ඇත්තේ “හායි, ඉතින් මේක හරිම අපූරුයි කියලා මම හිතන්නේ! මම දැන් මෙටා AI හි කොටසක් වන අතර ඔබට ඉන්දියාව, එක්සත් ජනපදය, කැනඩාව, එක්සත් රාජධානිය, ඕස්ට්‍රේලියාව සහ නවසීලන්තය පුරා ඉංග්‍රීසි භාෂාවෙන් මගේ හඬ සමඟ කතාබස් කළ හැකිය.” යනුවෙනි.
