අපි කවුරුත් දන්න ආදරණීය නිළි සෙනාලි ෆොන්සේකා, ඇය රංගනයෙන් දායක වන අලුත්ම සිනමා නිර්මාණය ගැන පහුගිය දවසක ඇගේ ෆේස්බුක් ගිණුමේ සටහනක් තබලා තිබුණා. ඒ සටහන දුටු බොහෝ දෙනෙක්ගේ දෑස් කඳුළින් තෙත් වුණේ, ඇය මේ නිර්මාණයට දක්වන ඇත්තම කැපවීම සහ ආදරය ඒ වචන අතරේ තිබුණු නිසයි.
සෙනාලි මේ චිත්රපටය හරහා කතා කරන්නේ ලංකාවේ මෙතෙක් කිසිම නිළියක් තෝරා නොගත් වෙනස්ම මානයක් ගැන. ඒ තමයි “COCO – A wet heart” චිත්රපටයේ එන වීදි සුරතලුන්ගේ කතාව.
සෙනාලි ඇගේ සටහනින් පෙන්වා දෙන්නේ මේක තවත් එක රංගනයක් විතරක් නෙවෙයි, මහමඟ අතරමං වුණු අසරණ සතුන් වෙනුවෙන් ඇය හදවතින්ම කරන “අරගලයක්” බවයි.
ඇය මේ චිත්රපටයේ චරිතයට කොතරම් ආදරය කරනවාද කියනවා නම්, ඇය කියන්නේ “කිසිවෙකුත් මහමඟ අතරමං නොවන හෙටක්” වෙනුවෙන් ඇය මේ නිර්මාණයට පණ දෙන බවයි.
සිනමා ශාලාවල විතරක් නෙවෙයි, මිනිස්සුන්ගේ හිත් ඇතුළෙත් ලොකු වෙනසක් කරන්න ඇය මේ හරහා සූදානම් වෙනවා. ඇයගේ මේ මැදිහත් වීම නිසාම “කොකෝ” චිත්රපටය ගැන ප්රේක්ෂකයන් තුළ තිබෙන්නේ ලොකු කුතුහලයක් සහ බලාපොරොත්තුවක්.
රංගනයෙන් දායක වෙනවාට වඩා එහා ගිය මානුෂීය මෙහෙවරක සෙනාලි නිරත වෙලා ඉන්නවා කියලා ඇයගේ සටහන කියවන ඕනෑම කෙනෙක්ට තේරෙනවා.
ඇයත් එක්ක මේ නිර්මාණයට අත්වැල් බැඳගෙන ඉන්න “බව් බව් (Baw Baw Animal Welfare)” සහ අනෙකුත් කණ්ඩායම් එක්ක සෙනාලි කරන මේ සිනමාමය මැදිහත් වීම, 2026 වසරේ අපිට දකින්න ලැබෙන ලස්සනම සිනමා සිත්තම වෙනවා නොඅනුමානයි.
