මේ දිනවල රට පුරාම කතාබහට ලක්වෙන්නේ පවතින අධික උණුසුම් සහිත කාලගුණික තත්ත්වය ගැනයි. බොහෝ දෙනාට ඇති ප්රශ්නය වන්නේ මෙම තත්ත්වය තව කොපමණ කාලයක් පවතිනවාද යන්නයි. ඒ පිළිබඳව වැදගත් දැනුම්දීමක් නිකුත් කරමින් කාලගුණවිද්යා දෙපාර්තමේන්තුව සඳහන් කරන්නේ, දිවයිනේ ප්රදේශ රැසක පවතින අධික උණුසුම් සහිත කාලගුණික තත්ත්වය ලබන අප්රේල් මස මැද දක්වාම අපේක්ෂා කළ හැකි බවයි.
එමෙන්ම මේ කාලයේ සුළගේ වේගය ද අඩු මට්ටමක පවතින බැවින්, මිනිස් සිරුරට දැනෙන උෂ්ණත්වය තවත් ඉහළ යාමක් පෙනී යන බවද එම දෙපාර්තමේන්තුව පෙන්වා දෙයි. මෙම තත්ත්වය යටතේ විශේෂයෙන්ම අධික වෙහෙසකින් යුතුව වැඩ කරන පුද්ගලයින් තම ශරීර සෞඛ්ය පිළිබඳ වැඩි අවධානයක් යොමු කළ යුතු බවත්, දිනපතා වැඩි වශයෙන් ජලය පානය කිරීම වැදගත් බවත් උපදෙස් ලබාදී තිබෙනවා.
මේ අතර 6 දින පෙ.ව. 8.30න් අවසන් වූ පැය 24ක කාලය තුළ දිවයිනේ උපරිම උෂ්ණත්වය රත්නපුරයෙන් වාර්තා වී ඇති අතර එය සෙල්සියස් අංශක 36.4ක් ලෙස සටහන් වී තිබෙනවා. එසේම දිවයිනේ අවම උෂ්ණත්වය සෙල්සියස් අංශක 8.1ක් ලෙස නුවරඑළිය කාලගුණ මධ්යස්ථානයෙන් වාර්තා වී ඇති බවද සඳහන් වේ.
මේ නිසා මේ දිනවල පවතින උණුසුම් කාලගුණය අතරතුර සෞඛ්යය ආරක්ෂා කරගැනීම සඳහා අවශ්ය පියවර ගැනීම සෑම දෙනාටම වැදගත් වන බව විශේෂයෙන් අවධාරණය කරයි.
