හැබැයි මේ සුන්දරත්වය පිටුපස හැංගුණු ලොකුම අභාග්යයක් ගැන දැන් මුළු ලෝකයම කතා වෙනවා. ඒ තමයි ලැට්වියාවේ තියෙන “උග්ර පිරිමි හිඟය”.
ලැට්වියාවේ අගනුවර වන “රීගා” (Riga) නගරයට දැන් ලෝකයම කියන්නේ “තනිකඩ කාන්තාවන්ගේ අගනුවර” (Capital of Single Women) කියලා. ඒ තරමටම එහි පාරේ තොටේ දකින්න ඉන්නේ තනිකඩ, උගත් වගේම හරිම ලස්සන තරුණියන්.
සංඛ්යාලේඛන බැලුවොත් ඇඟ කිළිපොලා යනවා. හැම කාන්තාවන් 1000 කටම ඉන්නේ පිරිමින් 850 දෙනෙක් විතරයි. මේකට ප්රධාන හේතුව පිරිමින්ගේ ආයු කාලය අඩු වීමයි. මත්පැන් පානය සහ අධික වැඩ පීඩනය නිසා එරට පිරිමින් කාන්තාවන්ට වඩා අවුරුදු 10 ක් විතර කලින් මිය යනවා.
මේ පිරිමි හිඟය කොච්චර දරුණුද කියනවා නම්, නිවසේ වැඩක් පලක් කරගන්න පිරිමියෙක් සොයාගන්න බැරි තැන දැන් ලැට්වියාවේ “Husband for an Hour” කියලා සේවාවකුත් පටන් අරන්. නිවසේ පයිප්පයක් හදාගන්න, ලයිට් එකක් දාගන්න මේ තරුණියන් සහ වයස්ගත කාන්තාවන් මුදල් ගෙවා පැයකට සැමියෙක් කුලියට ගන්නා තත්ත්වයට පත්වෙලා….
ලැට්වියාවේ කාන්තාවන් පිරිමින්ට වඩා ගොඩක් උගත්. විශ්වවිද්යාලවල ඉගෙන ගන්නා අයගෙන් 60% කට වඩා ඉන්නේ කාන්තාවන්. තමන්ගේ මට්ටමට ගැළපෙන සහකරුවෙක් සොයාගන්න බැරි වීමත් මේ තනිකඩකමට ප්රධාන හේතුවක් වෙලා.
