ශ්රී ලංකාවේ වකුගඩු රෝග විද්යාවේ පියා මහාචාර්ය රිස්වි ෂෙරිෆ් මහතා අභාවප්රාප්ත වෙයි
ශ්රී ලංකාවේ වකුගඩු රෝග විද්යාව (Nephrology) සහ වකුගඩු බද්ධ කිරීමේ ක්ෂේත්රයේ විශිෂ්ට සේවාවක් ඉටු කළ පුරෝගාමියෙකු වූ මහාචාර්ය රිස්වි ෂෙරිෆ් මහතා අභාවප්රාප්ත වී ඇතැයි වාර්තා වේ.
“ශ්රී ලංකාවේ වකුගඩු රෝග විද්යාවේ පියා” ලෙස ගෞරවයෙන් හඳුන්වනු ලැබූ එතුමන්, දශක ගණනාවක් පුරා රෝගීන්ගේ ජීවිත රැක ගැනීමටත්, වකුගඩු රෝග සම්බන්ධ වෛද්ය සේවාවන් දියුණු කිරීමටත් අතිවිශාල දායකත්වයක් ලබා දී ඇත. එතුමන්ගේ මගපෙන්වීම යටතේ ශ්රී ලංකාවේ වකුගඩු බද්ධ කිරීමේ ක්ෂේත්රය නව මට්ටමකට ගෙන යාමට හැකිවීම විශේෂත්වයකි.
මහාචාර්ය ෂෙරිෆ් මහතා වෛද්යවරුන් පරපුරක් බිහි කිරීමට දායක වූ අතර, ඔහුගේ ශිෂ්යයන් අද දින දේශීය සහ ජාත්යන්තර මට්ටමින් වෛද්ය සේවාවන් ඉටු කරමින් සිටී. වකුගඩු රෝග සම්බන්ධ පර්යේෂණ හා ප්රතිකාර ක්ෂේත්රය දියුණු කිරීම සඳහාද එතුමන් විසින් සිදු කළ සේවාව අතිශයින්ම ප්රශංසනීයය.
එතුමන්ගේ අභාවය ශ්රී ලංකා වෛද්ය ක්ෂේත්රයටම අතිශය විශාල හිස්තැනක් ලෙස සැලකේ.
අපි සියලු දෙනාගේ ගෞරවය සමඟ මහාචාර්ය රිස්වි ෂෙරිෆ් මහතාට අමා මහ නිවන් සුව ප්රාර්ථනා කරමු.
