මිනිසුන්ගේ ජීව්ත නොසිතන මොහොතක වෙනස්වෙන්න පුළුවන්..
ඇයත් එවැනිම වෙනසකට මුහුණ දුන්නු කාන්තාවක්.
ඒත් ඇය ඒ වෙනසට ප්රතිචාර දක්වපු විදිහ වෙනස් වෙන්න පුළුවන් කියලා ඔබටත් මේ කතාව ඇසුවාම හිතෙන්න පුළුවන්.
මේ කතාව ඇසෙන්නේ ඇය කළ දේ ගැනයි.. වයස අවුරුදු 33 දී මාරාන්තික පියයුරු පිළිකාවකින් පෙළෙන බව දැනගත් මොලී කොචන්ගේ ලෝකය එකතැන් පටන් වෙනස් වුණා. ඒ වෙනුවට, ඇය තීරණය කළේ තමන්ට ඉතිරිව ඇති සීමිත කාලය තුළ, මෙතෙක් කල් අන් අය වෙනුවෙන් ජීවත් වූ ඇගේ ජීවිතය තමන් වෙනුවෙන්ම නැවත අත්පත් කර ගැනීමටයි.
පිළිකාව ශරීරය පුරා පැතිර යද්දී මරණය තවදුරටත් රහසක් නොවන බව වටහාගත් මොලී, බොහෝ දෙනෙකු පුදුමයට පත් කළ තීරණයක් ගත්තා. ඒ ඇගේ වසර 15ක විවාහ ජීවිතයට සමුදී, තමන්ගේ ශරීරය සහ තමන්ගේ ආශාවන් කෙරෙහි සිත යොමුකිරීමටයි.
මොලී ඇගේ අවසාන වසර කිහිපය තුළ පිරිමින් 200ක් පමණ සමඟ සමීප සබඳතා පැවැත්වූවා. බාහිර ලෝකයාට එම සංඛ්යාව විශාල පුවතක් වුවද, ඇයට එය හුදෙක් සංඛ්යාවක් නොවුණා. ඇගේ සමීපතම මිතුරියක වන නිකී බෝයර් (Nikki Boyer) පවසන පරිදි, මෙම අත්දැකීම් හරහා මොලී උත්සාහ කළේ තම ජීවිත කාලය පුරා පැවති මානසික කම්පනයන්ට මුහුණදීමට සහ තමාට අයිති නැති සමාජ සම්මතයන්ගෙන් මිදීමටයි.
නිකී පසුව මෙම ගමන ‘Dying for Sex’ නමින් පෝඩ්කාස්ට් (Podcast) මාලාවක් සහ පොතක් ලෙස ලේඛනගත කළා. එහිදී මොලී පැහැදිලි කරන්නේ, ඇගේ තීරණ මෙහෙයවනු ලැබුවේ බියෙන් හෝ බැඳීම්වලින් නොව, අවංකභාවය සහ තමන්ගේම අභිමතය (Agency) මත බවයි.
මොලී වසර තුනකට පසු මෙලොවින් සමුගත්තා. ඇය ඉතිරි කර ගියේ හුදු කතාවක් පමණක් නොව, මනුෂ්ය ශරීරයේ ස්වාධිපත්යය සහ සුවය ලැබීම පිළිබඳ ගැඹුරු සංවාදයක්.
