“පරිප්පු හොද්දයි, පොල් සම්බෝලයි, කරවල බැදුමයි…” මේක ලංකාවේ අපිට දිව්ය භෝජනයක් වගේනේ. බත් පිඟානට කරවල කෑල්ලක් නැත්තම් සමහරුන්ට කෑම රුචියත් නෑ. හැබැයි මේ රසට කන කරවල කෑල්ල ඇතුලේ හැංගිලා ඉන්න “නිහඬ මාරයා” ගැන ඔබ දන්නවාද?
ලුණු ගුලියක් (Hidden Salt Bomb) කරවල වේලෙන්නේ ලුණු වලින්. මාළු නරක් නොවී තියාගන්න නිෂ්පාදකයෝ මේවාට අසීමිතව ලුණු (Salt) එකතු කරනවා. ඔබ කරවල කෑල්ලක් කනවා කියන්නේ, නොදැනුවත්වම ලුණු තේ හැඳි ගණනාවක් එකපාර ඇඟට දාගන්නවා කියන එකයි.
ඇඟට වෙන හානිය:
ප්රෙෂර් එක අහසට: මේ අධික සෝඩියම් (Sodium) ප්රමාණය නිසා රුධිර පීඩනය එකපාරටම වැඩි වෙනවා. දිගටම කෑවොත් අධි රුධිර පීඩනය (High Pressure) ස්ථිර ලෙඩක් වෙනවා.
වකුගඩු අමාරු: වැඩිපුර ලුණු පෙරන්න ගිහින් වකුගඩු ඉක්මනින් නරක් වෙනවා.
වතුර එකතු වීම: ඇඟ ඉදිමෙන්න (Water Retention) පටන් ගන්නවා.
එහෙනම් කරවල කන්නම හොඳ නැද්ද? කන්න එපා කියන්නේ නෑ. හැබැයි මේ විදියට කන්න:
උණු වතුර සත්කාරය: කරවල උයන්න හෝ බදින්න කලින්, කෑලි කපලා නටන උණු වතුරේ විනාඩි 10ක් විතර දාලා තියන්න.
හොඳට හෝදන්න: උණු වතුරෙන් ගත්තට පස්සේ, සීතල වතුරෙන් දෙතුන් පාරක් මිරික මිරික හෝදන්න. එතකොට ලුණු ගතිය 70%ක් විතර අයින් වෙනවා.
තව ලුණු දාන්න එපා: කරවල උයද්දී හොද්දට ආයේ ලුණු දාන්න එපා. කරවල වල ඉතුරු වෙලා තියෙන ලුණු ගතිය හොඳටම ඇති.
ප්රෙෂර් පෙති බොන ගමන් ලුණු රහට කරවල කන අයට මේක පෙන්නන්න.
රසට කෑවට කමක් නෑ, පරිස්සමෙන් කමු!
Weda Mahatha.
