බොලිවුඩ් නිළියක වන හා ශ්රී දේවිගේ දියණිය වන ජාන්වී කපූර් ඇයට අවුරුදු 15ක් වැනි කුඩා වයසකදී ඉතා අමිහිරි අත්දැකීමකට මුහුණ දුන්නා.
ඒ අසභ්ය වෙබ් අඩවියක ඇගේ විකෘති කරන ලද ඡායාරූපයක් දැකීමත් සමඟය.
ඒ වන විට ඇය පාසල් වියේ පසු වුණා.
“ඒක Fake එකක්ද කියලා මම දන්නේ නැහැ, නමුත් ඒක ඒ වගේ දෙයක්. මම මගේ පින්තූරයක් අසභ්ය වෙබ් අඩවියක දැක්කා”
තවදුරටත් ඒ මොහොත සිහිපත් කරමින්, එම පින්තූරය සොයාගත්තේ පාසලේ දී තොරතුරු තාක්ෂණ පීරියඩ් එක අතරතුර බවයි ඇය සඳහන් කළේ.
“අපිට පාසලේ තොරතුරු තාක්ෂණ පන්ති තිබුණා, පිරිමි ළමයින් විනෝදය සඳහා ඒ වෙබ් අඩවිවලට ගියා. මගේ පින්තූර එතන තිබුණා. මේක වුණේ පාසලේදී. ඉතින් ඒක අමුතු අත්දැකීමක් වුණා”
ඒ වෙලාවේ ඒක සාධාරණීකරණය කරන්න උත්සාහ කළා කියලත් ඇය කියනවා.
“මේක නිතර අන්තර්ජාලය සිටීම නිසා සිදුවූවක් යැයි මා විසින්ම තර්ක කරගත්තා.
යම් අවස්ථාවක දී, මම හිතුවා. මේක තමයි මට ගෙවන්න වෙන වන්දිය කියලා. සමාජ මාධ්ය සමඟ මේ දේවල් බොහොමයක සදාචාරයක් නැහැ කියලා හිතුණා” ඇය පවසා තිබෙනවා.
ඇගේ එම ඡායාරූපය අදටත් ඇයට බලපාන බවයි ජාන්වි කියන්නේ.
අද පවා, AI-ජනනය කළ ඇගේ රූප අන්තර්ජාලයේ දිස්වන බවත්, බොහෝ විට ඇය කිසිදා පෙනී නොසිටි හෝ ඇඳ පැළඳ නොසිටි ආකාරයෙන් ඇයව නිරූපණය කරන බවත් ජාන්වි සඳහන් කර තිබෙනවා.
“මට ඒකෙන් සැනසීමක් නැහැ. නිල මාධ්ය ආයතන මගින් පවා බෙදාගත් මගේ දර්ශන එහි තිබෙනවා. ඒවා සම්පූර්ණයෙන්ම AI. මම කවදාවත් ඒ ඇඳුම් ඇඳලා නැහැ, එහෙම ඡායාරූප අරගෙන නැහැ,”
“ඒක මම එළියට දැම්ම වගේ හැඟීමකින් සංසරණය වෙනවා. හෙට මම අධ්යක්ෂවරයෙකුට යමක් ඇඳීමට අකමැති බව කිව්වොත්, කවුරුහරි ඒ පින්තූර අරගෙන කියන්න පුළුවන්, ‘නමුත් ඔයා මේක කලින් කරලා තියෙනවා’ කියලා.”
එම ඡායාරූප ඇගේ සමස්ත වෘත්තියටම බලපාන බව ඇය එසේ සඳහන් කර තිබුණා.
