ඔබේ සුරතල් පූසා කාමරයට ඇවිත් ඔබේ ඇඳට පැනලා, ඔබත් එක්කම ගුලි වෙලා නිදාගන්න එක ඇත්තටම හරිම ආදරණීය දෙයක් නේද? හැබැයි ගොඩක් අය හිතන්නේ පූසෝ මෙහෙම නිදාගන්නේ “ඔවුන්ට රස්නය ඕනේ නිසා” කියලා විතරයි. මේක තමයි ලෝකේ ඉන්න ගොඩක් පූස් අයිතිකරුවන් කරන ලොකුම වැරැද්ද!
පූසෙක් ඔබත් එක්ක නිදාගන්නවා කියන්නේ නිකන්ම නිකන් රස්නය හොයනවාට වඩා, ඔවුන්ගේ අතීත කැළෑ පුරුදු සහ ඔවුන්ගේ හිතේ තියෙන ගැඹුරු හැඟීම් පිටකරන පුදුම සහගත විද්යාත්මක ක්රමයක්.
පූසන්ගේ ශරීර උෂ්ණත්වය කොහොමත් මිනිස්සුන්ට වඩා අංශක 2ක් විතර වැඩියි. ඒ නිසා ඔවුන්ට රස්නය ඕනේ බව ඇත්ත. හැබැයි රස්නය ඕනේ නම් ගෙවල්වල වෙන ඕනෙතරම් තැන් තියෙනවා: ඉර එළිය වැටෙන තැන්, ලැප්ටොප් එක උඩ, ෆ්රිජ් එක උඩ, නැත්නම් හෝදලා වේලපු රෙදි ගොඩක් උඩ. ඉතින් ඇයි මේ ඔක්කොම අතෑරලා ඔවුන් ඔබේ ඇඳටම එන්නේ?
එක හේතුවක් තමයි ආරක්ෂාව. පූසෙක් නිදාගන්නවා කියන්නේ ඔවුන්ගේ ජීවිතයේ ඔවුන්ට කිසිම ආරක්ෂාවක් නැති අවදානම් වැඩිම වෙලාවක්. ඔවුන්ගේ සහජ බුද්ධිය (instincts) හැමතිස්සෙම කියන්නේ විලෝපිකයන්ට එන්න බැරි, හැංගිලා ඉන්න පුළුවන් තැනක නිදාගන්න කියලා. හැබැයි ඒ ඔක්කොම අතෑරලා, තමන්ට වඩා 15 ගුණයක් ලොකු මනුස්සයෙක් ළඟට පූසා ඇවිත් නිදාගන්නවා කියන්නේ, ඒ පූසා ඔබට දෙන ලොකුම සහතිකයක්. ඒකෙන් ඔවුන් කියන්නේ මගේ ජීවිතේ කිසිම බයක් නැතුව ඔයාට බාරදීලා මට නිදාගන්න පුළුවන් කියන එක.
මෙහෙම නිදාගන්න කලින් පූසා ඇවිත් තමන්ගේ ඔළුව, කම්මුල් සහ වලිගය ඔබේ ඇඟේ අතුල්ලනවා ඔයා දැකලා තියෙනවද? මේක නිකන්ම නිකන් හුරතල් වෙනවා නෙවෙයි, මේක රසායන විද්යාවේ සිදුවීමක්!
පූසන්ගේ කම්මුල් වල සහ නළලේ Scent glands තියෙනවා. ඔවුන් ඔබේ ඇඟේ ඇතිල්ලෙද්දී ඔවුන්ගේ අදෘශ්යමාන සුවඳ ඔබේ ඇඟේ ගානවා. ඒ විතරක් නෙවෙයි, ඔබත් එක්ක තදවෙලා නිදාගනිද්දී ඔවුන් කරන්නේ ඔවුන්ගේ සුවඳයි ඔබේ සුවඳයි එකට කලවම් කරන එක. කැලෑවේ ඉන්න පූස් රංචු මේ විදිහට එකම සුවඳක් හදාගන්නවා මේ ඉන්නේ අපේ පවුලේ කෙනෙක් කියලා අඳුරගන්න.
ඔයා වෙන කොහේ හරි ගිහින් ගෙදර ආවාම පූසා ඔයාව ගොඩක් ඉඹලා බලන්නේ ඇයි දන්නවද? ඒ ඔයාගේ ඇඟෙන් අර පවුලේ සුවඳ මැකිලා ගිහින් වෙන සුවඳක් එන නිසයි. ඉතින් රෑට ඔයා එක්ක නිදාගෙන ඔවුන් කරන්නේ ආයෙත් අර සුවඳ අලුත් කරලා ඔයා මගේ කියලා ලෝකෙටම කියන එක!
පූසා නිදාගන්න තැන නිකන්ම තෝරගත්ත තැනක් නෙවෙයි, ඒක පිටිපස්සේ ලොකු උපාය මාර්ගයකුත් තියෙනවා. ගෙදර ඉන්න පුංචි පූසා වුණත්, ඌ ඇතුළෙත් ඉන්නේ දඩයක්කාරයෙක්. කැලෑවේ පූසෝ නිදාගනිද්දී රංචුවේ අනිත් අය එකිනෙකාව ආරක්ෂා කරන්න මුර කරනවා.
ඔබේ පූසා නිදාගනිද්දී කාමරේ දොර දිහා බලාගෙන නිදාගන්නවා නම්, ඒ ඔවුන් දොරෙන් එන සතුරන් ගැන අවධානයෙන් ඉන්න නිසා. ඔවුන් ඔබේ ඔළුව කිට්ටුව නිදාගන්නවා නම්, ඒ ඔවුන් ඔබේ ශරීරයේ අවදානම්ම තැනක් ආරක්ෂා කරන නිසයි. පූසා කොච්චර පොඩි වුණත්, උගේ මොළයේ තියෙන සිතිවිලි කියන්නේ මේ මනුස්සයා මගේ, එයාව බලාගන්න ඕනේ මම කියලා. ඇත්තටම හොරෙක් ආවොත් පූසා ගහගන්න එකක් නෑ, හැබැයි පූසගේ හිතෙන් එයා තමයි ඔයාගේ Bodyguard!
පූසෙක් නිදාගන්න විදිහෙන් එයාගේ හිතේ තියෙන දේ හරියටම කියන්න පුළුවන්:
බෝලයක් වගේ ගුලි වෙලා (Tight Curl): මේක තමයි ආරක්ෂාව උපරිමයෙන් තියාගෙන නිදාගන්න ඉරියව්ව. බඩයි, අවයවයි ඔක්කොම හංගගෙන ඉන්නේ. මේකෙන් කියන්නේ පූසා ඔයා ළඟ ඉන්න කැමතියි, හැබැයි තාම 100% ක්ම මගේ බය නැති වෙලා නැහැ කියන එක.
ඇඟ ඇදගෙන බඩ පෙන්නගෙන (Full Sprawl / Belly Up): පූසෙක් බඩ පෙන්නගෙන නිදාගන්නවා කියන්නේ සතාට ඔයා ගැන 1000% ක් විශ්වාසයි කියන එක. මොකද බඩ කියන්නේ පූසෙකුගේ මාරාන්තිකම තැන. පූසට කිසිම බයක් නෑ කියන්න දෙන ලොකුම සහතිකය තමයි මේක.
ඔයාට පිටුපාගෙන නිදාගැනීම: මෙතනදි ගොඩක් අය හිතන්නේ පූසා තරහ වෙලා කියලා. නෑ! පූසෙක් ඔයාට පිටුපානවා කියන්නේ “මට ඔයාව විශ්වාසයි, ඔයාගෙන් මට කරදරයක් වෙන්නේ නැති නිසා මට ඔයා දිහා බලාගෙන ඉන්න ඕනේ නෑ” කියන එක.
ඇඟටම තද වෙලා නිදාගැනීම (Full Contact Press): කිසිම හිඩැසක් නැතුව ඔයාගේ ඇඟටම හේත්තු වෙලා නිදාගන්නවා කියන්නේ පූසට ඔයා නැතුවම බැහැ කියන එකයි. ඒක තමයි ආදරයේ උපරිමය.
පූසෝ කියන්නේ ස්වභාවයෙන්ම “Crepuscular” සත්තු ජාතියක්. ඒ කියන්නේ ඔවුන් වැඩියෙන්ම ක්රියාකාරී වෙන්නේ පාන්දරට සහ හැන්දෑවට. ඔවුන්ගේ කැලෑ ආදිතමයෝ දඩයම් කළේ ඒ වෙලාවට. ඒ කියන්නේ පූසන්ගේ නිදාගන්න වෙලාවයි, අපේ නිදාගන්න වෙලාවයි කොහෙත්ම ගැලපෙන්න විදිහක් නෑ.
හැබැයි පුදුම දේ කියන්නේ, ඔයාට ආදරේ කරන පූසෙක් කාලයක් යද්දී උගේ අවුරුදු දහස් ගාණක් පරණ ජෛව ඔරලෝසුව සම්පූර්ණයෙන්ම වෙනස් කරගන්නවා! ඔවුන් දවල්ට ඇහැරිලා ඉඳලා, රෑට ඔයා එක්කම නිදාගන්න පුරුදු වෙනවා. මේක ඔවුන්ට ස්වභාවික දෙයක් නෙවෙයි, ඔවුන් මේක කරන්නේ ඔයා ඇහැරිලා ඉන්න වෙලාවට ඔයා එක්ක ඉන්න ඕනේ නිසයි! උදේට ඔයාගේ එලාම් එක වදින්න කලින් පූසා ඇවිත් ඔයාව ඇහැරවන්නේ අන්න ඒ නිසයි. ඔවුන් ඔයාගේ රිද්මයට සම්පූර්ණයෙන්ම හැඩගැහිලා ඉවරයි.
ඔයාට ගොඩක් දුක හිතුණු දවසක හරි, කේන්ති ගිය දවසක හරි පූසා ඔයා ළඟින් හෙල්ලෙන්නේ නැතුව ඉන්නවා ඔයා දැකලා තියෙනවද? පූසන්ට පුදුම හැකියාවක් තියෙනවා මිනිස්සුන්ගේ Body language එක, හුස්ම ගන්න විදිහ, සහ අපේ ඇඟෙන් පිටවෙන Cortisol (ආතතිය ඇති කරද්දී ශ්රාවය වෙන හෝමෝනය) වල සුවඳ අඳුරගන්න.
ඔයාට මොකක් හරි අවුලක් කියලා තේරුණාම ඔවුන් ඔයා ළඟටම වෙලා ඉන්නවා. රෑට ඔයා එක්ක නිදාගද්දී ඔවුන් ඔයාගේ හෘද ස්පන්දනය සහ හුස්ම ගන්න රටාවන් නිරීක්ෂණය කරනවා. ඔයාගේ වෙනසක් වුණ ගමන් ඔවුන් ඒක අඳුරගෙන, ඔයාට ආදරය දීලා ඔයාව සනසන්න උත්සාහ කරනවා.
හැබැයි අවුරුදු ගාණක් ඔයා එක්ක නිදාගත්ත පූසෙක්, එකපාරටම ඔයා ළඟට එන්නේ නැතුව තනියම කොහේ හරි හැංගිලා නිදාගන්න ගත්තොත් ඒක කවදාවත් සුළුවට ගන්න එපා! පූසෝ කියන්නේ පුරුදු වලට වහල් වුන සත්තු ජාතියක්. ඔවුන් ඒ පුරුද්ද වෙනස් කරනවා කියන්නේ ලොකු හේතුවක් තියෙනවා. 🚨🏥
අසනීපයක් හෝ වේදනාවක් (Illness): පූසන්ට අසනීප වුණාම ඔවුන්ගේ සහජ පුරුද්ද තමයි හැංගිලා ඉන්න එක. විශේෂයෙන්ම වයසක පූසෙක් මෙහෙම කළොත් අනිවාර්යයෙන්ම පශු වෛද්යවරයෙක් ළඟට අරන් යන්න.
පරිසරයේ වෙනසක් (Environmental changes): ගෙදරට අලුත් සතෙක් ගෙනාවොත්, අලුත් කෙනෙක් ආවොත් පූසා බයවෙලා ඈත් වෙන්න පුළුවන්.
මානසික බලපෑමක් (Emotional): නිදන කාමරේදී ඔයා පූසාට ගැහුවොත්, සද්දෙන් බැන්නොත් හරි මොකක් හරි දෙයකට බය වුණොත් හරි ඔවුන් ඒ තැන මඟහරිනවා.
මේ වගේ වෙලාවට පූසාත් එක්ක තරහ වෙන්න එපා. ආදරෙන් සලකලා ආයෙත් ඒ විශ්වාසය ගොඩනගන්න උදව් කරන්න.
පූසෙක් කියන්නේ නිකන්ම නිකන් කන්න දීලා හදන සතෙක් නෙවෙයි. ඔවුන්ට කතා කරන්න බැරි වුණාට ඔවුන් හැමදාම රෑට ඔයා ළඟට ඇවිත් නිදාගෙන කියන්නේ මහා ලොකු විද්යාත්මක ආදර කතාවක්. ඒක කවදාවත් නිකන්ම නිකන් රස්නය හොයාගෙන එන ගමනක් නෙවෙයි, ඒක ජීවිතේම ඔයාට බාරදෙන ගමනක්! 🌟🐈
මේ ලිපියට ඔයාගේ ආදරණීය පූසාගෙත් Photo එකක් හැමෝටම බලන්න Comment කරන්න.
ඔබේ පූසා නිදාගන්නේ කොහොමද? ඌත් ඔයාගේ බඩ උඩ හරි ඔළුව ගාව හරි නිදාගන්නවද? මේ ලිපියෙන් පස්සේ ඔබේ පූසා ගැන ඔයාට දැනෙන දේ පල්ලෙහායින් Comment කරන්න. ඒ වගේම මේ වටිනා ලිපියට Like එකක් දාලා, පූසන්ට පණ වගේ ආදරේ කරන ඔයාගේ යාළුවන්ටත් අනිවාර්යයෙන්ම Share කරන්න අමතක කරන්න එපා! 👍💬😻
Written By : Sulochana Dissanayake
Source : Internet
#science #cat #sinhala
