උදෑසන කාර්යබහුල වේලාවක පාසලක් ළඟින් යද්දී අපිට නිතරම දකින්න ලැබෙන සාමාන්ය දර්ශනයක් තමයි වේගයෙන් ඇදී යන වාහන සහ ඒ අතරේ පාර මාරු වෙන්න තැත් කරන අහිංසක පොඩි දරුවෝ. හැබැයි මේ කියන්න යන කතාව ඊට වඩා ගොඩක් වෙනස්, හදවතට ගොඩක් ළං වෙන අපූරු මිනිසෙක් ගැනයි. තමන්ගේ දරුවෙක්වත් ඉගෙන ගන්නේ නැති, වෙනත් පාසලක පුංචි දරුවන්ට මේ අපූරු මාමා ආරක්ෂාව දෙන්නේ කිසිදු බලාපොරොත්තුවකින් තොරවයි.
මේ සත්කාරය පටන් ගන්න ලොකු හේතුවක් තිබිලා තියෙනවා. දවසක් මෙන්න මේ පාරේ අහිංසක පුංචි දරුවෙක් පාර මාරු වෙන්න යද්දී වේගයෙන් ආපු ත්රීවීල් එකක ගැටෙන්න ගිහින් බේරිලා තියෙන්නේ අනූනමයෙන්. ඒ බියජනක දසුන මේ මාමාගේ හදවතට ලොකු කම්පනයක් ගෙනැවිත් තිබෙනවා. වාහන නතර කරන්නේ නැතිව නොසැලකිලිමත්ව දුවන මේ පාරේ දරුවන්ට පිහිට වෙන්න ඔහු තීරණය කරන්නේ හරියට එදා ඒ සිදුවීමෙන් පස්සේ. අදටත් මේ පාසල් දරුවෝ ආරක්ෂිතව පාසලට යවන්නෙත්, ආපහු ගෙදර යවන්නෙත් මේ හදවත හොඳ මිනිසාගේ උරහිස් මතින්.
අද කාලේ සමාජයේ හැමෝම මොනවා හරි ප්රතිඋපකාරයක් බලාපොරොත්තුවෙන් වැඩ කරන යුගයක, කිසිම දෙයක් නොලැබුණත් අනුන්ගේ දරුවන්ගේ ජීවිත වෙනුවෙන් දහඩිය හලන මේ වගේ මිනිස්සු දැකීමම ඇත්තටම පුදුම වාසනාවක්. ලෝකයට ආදර්ශයක් වන මේ වගේ උතුම් මනුෂ්යයන් අපේ රටේ තවමත් ඉන්නවා කියන එක කොතරම් සැනසීමක්ද!
