ඔයාගේ නමින් හදපු ෆේක් එකවුන්ට් එක “විනාඩියෙන්” අයින්කරන නිවැරදිම ක්‍රමය.

🚫 ඔයාගේ නමින් හදපු ෆේක් එකවුන්ට් එක “විනාඩියෙන්” අයින්කරන නිවැරදිම ක්‍රමය (The Right Way to Report) 🚫

මේක නම් මේ දවස්වල ගොඩක් අයට තියෙන ලොකුම හිසරදයක්. තමන්ගේ නමයි, ෆොටෝ එකයි දාලා වෙන කෙනෙක් ෆේස්බුක් එකේ , තමුන් වගේ රගපානකොට එන කේන්තිය සහ බය මම දන්නවා. මේ වේලාවට ගොඩක් අය කරන්නේ යාලුවන්ට කියලා “මේක Report කරන්න” කියන එක විතරයි. හැබැයි එහෙම කරාට ෆේස්බුක් එකෙන් එවනවා “මේක අපේ Community Standards කඩ කරන්නේ නෑ” කියලා මැසේජ් එකක්. එතකොට තවත් කේන්තියි.

බය වෙන්න අවශ්‍ය නෑ. අද විශ්ම ලෝකය තුලින් අපි ඔබට කියලා දෙන්නම්, “ෆේස්බුක් එකේ AI (Artificial Intelligence) රොබෝට” හරියටම මේ ප්‍රශ්නේ තේරුම් කරලා දීලා, අදාළ ගිණුම මකලා දාන වේගවත්ම ක්‍රමය.
ඔයාගේම ෆොටෝ එකක් දාලා, ඔයාගේ නම පාවිච්චි කරන හොරෙක්ව අල්ලන්න ඕනේ නම්, නිකම්ම “Fake Account” කියලා Report කරලා මදි. ෆේස්බුක් එකට තේරුම් කරන්න ඕනේ “මේ ඉන්නේ මම වගේ රඟපාන වෙන කෙනෙක්” කියලා.

මෙන්න පියවර ටික (Step-by-Step):

Step 1: අදාල හොර Profile එකට (Fake Profile) යන්න.
Step 2: Profile එකේ තියෙන තිත් 3 (Three Dots) උඩ Click කරන්න. (…)
Step 3: එතනින් “Find support or report” තෝරන්න.
Step 4: (මෙන්න මෙතන තමයි ගොඩක් අය වරද්ද ගන්නේ) ⚠️ නිකම්ම “Fake Account” කියන එක ඔබන්න එපා. එතන තියෙන “Pretending to be someone” (වෙන කෙනෙක් ලෙස පෙනී සිටීම) කියන එක Select කරන්න.
Step 5: දැන් අහනවා “කා විදිහටද පෙනී සිටින්නේ?” (Who are they pretending to be?) කියලා. එතනින් අනිවාර්යයෙන්ම “Me” (මම) කියන එක දෙන්න. Step 6: Submit කරන්න.

🧠 ඇයි මේක සාර්ථක? (The Science Behind It)

ඔයා “Me” කියලා දුන්නම, ෆේස්බුක් එකේ AI තාක්ෂණය එවලේම ඔයාගේ ඇත්ත Profile එකේ ෆොටෝ සහ අර හොර Profile එකේ ෆොටෝ සංසන්දනය (Compare) කරනවා. එතකොට එයාලට පේනවා “මේ ෆොටෝ එකමනේ මේකෙත් තියෙන්නේ” කියලා. එතකොට ගිණුම ගලවන්න තියෙන චාන්ස් එක 99% ක්ම වැඩියි.

👮 හදිසි නීතිමය පියවර (ශ්‍රී ලංකාව තුළ)

එකවුන්ට් එක අයින් වෙන්නේ නැත්නම්, හෝ ඒකෙන් ඔයාට අපහාසයක්/තර්ජනයක් වෙනවා නම් ෆේස්බුක් එක දිහා බලන් ඉඳලා හරියන්නේ නෑ. ලංකාවේ මේකට වෙනම ආයතන තියෙනවා.

ශ්‍රී ලංකා CERT ආයතනය (SLCERT):

මෙයාලා තමයි සයිබර් ආරක්ෂාව භාර අය.

හොට්ලයින්: 101

ඔයාට පුළුවන් email එකක් දාන්න: [email protected] (අදාල ෆේක් එකේ Link එක සහ ස්ක්‍රීන්ෂොට් එක්ක යවන්න).

පොලිස් පරිගණක අපරාධ කොට්ඨාසය:

ළඟම තියෙන පොලිසියට ගිහින් පැමිණිල්ලක් දාන්න. නැත්නම් CID එකේ සයිබර් අංශයට යන්න. විශේෂයෙන්ම මුදල් වංචා හෝ ලිංගික හිංසනයක් වෙනවා නම් පොලිසියට යන එක අනිවාර්යයි.

මේකත් හොදින් මතක තියා ගන්න. ඔයාගේ නමින් ෆේක් එකක් හැදුනම කලබල වෙලා ස්ටේටස් දදා ඉන්න එපා.

මුලින්ම ඔයාගේ හොදම යාළුවන්ට කියන්න අර මම කියපු විදිහට “Pretending to be -> A Friend” කියලා රිපෝට් කරන්න කියලා. “Pretending to be -> A Friend” හොදේ. me නෙවෙයි.

ඔයා “Pretending to be -> Me” කියලා රිපෝට් කරන්න.

පැමිණිලි ගොඩක් එක පාර වැටුනම ෆේස්බුක් එක ඉතාම ඉක්මනින් අදාළ ෆේක් එකවුන්ට් එක අයින් කරනවා.

එහෙනම් මේ පෝස්ට් එක Share කරලා තියාගන්න. කවදාහරි ඔයාට හෝ ඔයාගේ යාළුවෙක්ට මේක අනිවාර්යයෙන්ම ඕන වෙන්න පුළුවන් ! 🛡️🔒