ශාන්ත සිල්වෙස්තර විදුහලේ උසස් පෙළ සිසුන් දෙදෙනෙකු යතුරුපැදියකින් ගමන් කරමින් සිටියදී අද (02) පෙරවරුවේදී පල්ලේකැලේ යුද හමුදා කඳවුර අසලදී යතුරුපැදිය බස් රථයක ගැටී සිදු වූ අනතුරකින් එක් සිසුවකු එම ස්ථානයේදීම මියගොස් තවත් සිසුවෙකු බරපතල තුවාල ලබා මහනුවර ජාතික රෝහලට ඇතුළත් කොට තිබේ.
අනතුරෙන් මියගොස් ඇත්තේ නෙතුල නිම්දිනු නමැති ශාන්ත සිල්වෙස්තර විදුහලේ උසස් පෙළ ගණිත අංශයේ ඉගෙනුම ලබනන සිසුවෙකි.
එම අනතුරින් පසුව පල්ලේකැලේ ජාත්යන්තර පිටියේ පැවැත්වෙමින් තිබූ මහනුවර සිල්වෙස්තර විදුහල සහ විද්යාර්ථ විදුහල අතර 66 වැනි මහා ක්රිකට් තරගය වහාම ක්රියාත්මක වන පරිදි නවතා දැමීමට එහි පාලනාධිකාරය පියවර ගෙන තිබිණි.
මහා ක්රිකට් තරඟය නවතා දැමීමේ යෝජනාව මධ්යම පළාත් ආණ්ඩුකාර මහාචාර්ය එස්.බී.එස්. අභයකෝන් මහතා විසින් දෙවිදුහලේ විදුහල්පතිවරුන් ඉදිරිපත් කොට තිබුණි.
