සමාජ මාධ්ය කියන්නේ තත්පරයකින් කෙනෙක්ව උඩට දාන්න වගේම, තවත් තත්පරයකින් බිම දාලා අතුගාලා දාන්නත් පුළුවන් පුදුම විදිහේ අවකාශයක්. ඊයේ දවස පුරාම මේ විදිහට අන්තර්ජාලයේ උණුසුම් කතාබහට ලක්වුණේ අලුත විවාහ වූ තරුණ මනාලියකගේ හැඩගැන්වීම් (Dressing) සම්බන්ධයෙන්.
තම ජීවිතයේ සුන්දරම දවස ලස්සනට ගත කරන්න බලාපොරොත්තුවෙන් හිටපු ඒ තරුණ දියණියට මුහුණ දෙන්න සිද්ධ වුණේ හිතාගන්නවත් බැරි අසීරු තත්ත්වයකටයි. මංගල දිනයේ මේකප් එකේ සහ කොණ්ඩා මෝස්තරයේ තිබුණු බරපතල අඩුපාඩු නිසා සමාජයේ බොහෝ දෙනෙක් ඇයව විවේචනය කළා, සරදම් කළා. කෙනෙකුගේ ජීවිතයේ වැදගත්ම දවසක වුණු මේ අත්වැරැද්ද නිසා ඇය අත්විඳින්න ඇතුල් වේදනාව හිතාගන්නවත් බැහැ. ඒක ඇත්තටම හරිම කණගාටුදායක තත්ත්වයක්.
කෙසේ වෙතත්, මේ සිදුවීමත් එක්කම ලංකාවේ රූපලාවන්ය (Salon) ක්ෂේත්රයේ දැවැන්තයන් සහ බොහෝ දෙනෙක් ඉදිරිපත් වුණා ඇයට සම්පූර්ණයෙන්ම නොමිලේ අලුත් මනමාලි කෙනෙක් විදිහට හැඩගැන්වීම් කරලා දෙන්න. ඒක නම් ඇත්තටම අගය කළ යුතු කාරණයක්.
මේ අතරතුර තමයි සේවිණි නානායක්කාර ගත්තු උතුම් තීරණය කවුරුත් කතා කරන්න පටන් ගත්තේ. ඇය ප්රසිද්ධියේම ප්රකාශ කරලා තිබුණා, “මනමාලිව නම් ලංකාවේ ඕනෙම කෙනෙක් ඉදිරිපත් වෙලා එයාගෙ වැඩේ ලස්සනට කරලා දෙයි. ඒත් අපේ ක්ෂේත්රයේ කෙනෙක් වැටෙන්න හොඳ නෑ.” කියලා.
සමාජයම ඒ තරුණ මනාලියට දොස් නඟද්දී, මේ වරද සිද්ධ කළ රූපලාවන්ය ශිල්පිනියටත් වැරදුණු තැන් හදාගෙන ඉදිරියට යන්න උගන්වන්න සේවිණි ඉදිරිපත් වීම ඇත්තටම ආදර්ශමත්. කෙනෙක් වරද්දාගත්ත තැනකදී ඇයව තවදුරටත් අගාධයටම ඇද දමනවා වෙනුවට, අතදීලා උඩට ගන්න උත්සාහ කරන එකයි සැබෑ මිනිස්කම කියන්නේ.
තරුණ ව්යවසායිකාවන් දෙදෙනෙක් වන මොවුන්ගේ මේ සිදුවීම අපිට උගන්වන්නේ ලස්සන පාඩමක්. අන් අයගේ වැරදිවලදී උඩ පැන පැන සතුටු වෙනවා වෙනුවට, වැරදුණු තැන් නිවැරදි කරගෙන එකිනෙකාට අත්වැලක් වෙමින් ඉදිරියට යන්න පුළුවන් නම් මේ සමාජය කොතරම් ලස්සන වේවිද!
#SalonSriLanka #SeviniNanayakkara #BridalMakeup #HumanityFirst #SriLankanWeddings #SupportEachOther #Inspiration
