තමන්ගේ ජීවිතයේ අතිශය පෞද්ගලික අත්දැකීම් සහ හැඟීම් අලලා චූලා පද්මේන්ද්ර මහත්මිය අතීතයේදී මාධ්ය සාකච්ඡාවකදී කළ සංවේදී අදහස් දැක්වීමක් පිළිබඳව නැවතත් බොහෝ දෙනාගේ අවධානය යොමු වී තිබෙනවා.
ඇය කුඩා අවධියේදී, එනම් ඇගේ වයස අවුරුදු 13දී ඇගේ මව ඔවුන්ව අතහැර ගොස් තිබුණා. ඉන්පසුව සංචාරක ක්ෂේත්රයේ (Tourism) රැකියාවක නිරත වූ ඇගේ පියා විසින් ඇයව සහ ඇගේ මල්ලීව බලාගැනීමට කටයුතු කර තිබෙනවා. ඇතැම් දිනවලදී ඇගේ පියා මොවුන් දෙදෙනාව තමන්ගේ රාජකාරී ස්ථාන වෙත පවා කැඳවාගෙන යාමට තරම් ලෙන්ගතු වී ඇති බවයි ඇය පවසා තිබුණේ.
තමන් ක්ෂේත්රය තුළ පැමිණ සිටින මෙම සාර්ථක ගමන දෙස බලා පියා සතුටු වන බවට ඇය තුළ විශ්වාසයක් පැවතුණා. දැනට වසර 9කට පමණ පෙර ඇගේ පියා මියගිය අතර, මියයාමට ආසන්න කාලයේදී වයසත් සමඟ ඔහුට මතකය අමතක වීමේ තත්ත්වයක්ද මතුව තිබෙනවා. එහෙත් එම තත්ත්වය හමුවේ වුවද, අන් සියලු දෙනාගේ මතකයන් ගිලිහී යද්දී තමන්ව පමණක් පියාට නිවැරදිව මතක තිබූ බව ඇය සිහිපත් කළේ හරිම ආදරයෙන්. මිනිසුන්ට ආදරය කළ ඒ සුන්දර පියාගේ මාපිය සෙනෙහස ඇගේ ජීවිතයට තදින්ම දැනී තිබුණු බව මෙම ප්රකාශයෙන් පැහැදිලි වෙනවා.
