ලංකාවේ අලි අඹරේ නව පිටුවක් පෙරළූ ඒ අසිරිමත් නිවුන් සොහොයුරන් දෙදෙනා අද තමන්ගේ 5 වන උපන්දිනය සමරනවා. 2021 අගෝස්තු 31 වනදා පින්නවල අලි අනාථාගාරයේදී සිදුවූ මේ ඓතිහාසික උපත, වසර 80කට පමණ පසුව මෙරට වාර්තා වූ ප්රථම නිවුන් අලි උපත ලෙසයි ඉතිහාසයට එක්වුණේ.
“සුරංගි” නම් මවට සහ “පණ්ඩු” නම් පියාට දාව උපත ලැබූ මේ දඟකාර “දිසා” සහ “සජ්ජන” දෙදෙනා වෙනුවෙන් පින්නවල කාර්ය මණ්ඩලය විසින් කොමඩු, අන්නාසි, කෙසෙල් ඇතුළු විවිධ පලතුරුවලින් සකස් කළ අලංකාර පලතුරු කේක් එකක් සහිත විශේෂ සංග්රහයක් ලෑස්ති කර තිබුණා.
ආසියානු අලි ඇතුන් (Elephas maximus) අතර නිවුන් පැටවුන් උපදින්නේ 1%කටත් වඩා අඩු අතිශය විරල සම්භාවිතාවකින්. එවැනි පසුබිමක, මෙම පැටවුන් දෙදෙනාම නිරෝගීව වසර 5ක් පුරා වර්ධනය වීම සත්ව විද්යාත්මක ක්ෂේත්රයේ විශාල ජයග්රහණයක් මෙන්ම අපේ රටටත් ලැබුණු මහඟු වාසනාවක්. මවගේ සෙනෙහස මැද සොබාදහමේ අසිරිය කියාපාමින් ඔවුන් දෙදෙනා එක්ව උපන්දින සංග්රහය බුක්ති විඳින දසුන ඕනෑම කෙනෙකුගේ හදවත සතුටින් පුරවාලනවා.
අපේ වනජීවී සංරක්ෂණයට එකතු වූ මේ අපූර්ව දායාදය රැකගැනීම සැමගේ වගකීමක් වන අතර, දිසා, සජ්ජන සහ සුරංගි අම්මාට නිදුක් නිරෝගී සුවය ප්රාර්ථනා කරමු!
