දරුවෙකුගේ එක අසාවකට හෝ හීනයකට පිටුපාන්න කිසිම අම්මා කෙනෙක් කැමති නැහැ. තමන්ගේ අතේ සතේ නැතත්, විඳින දුක ලෝකයට නොපෙන්වා දරුවන්ට සියල්ල සපයා දෙන්න අම්මලා පෙළඹෙන්නේ ඒ නිසයි. ගායන ශිල්පී සුනීර සුමංග ඒ අසීමිත මාතෘ ප්රේමය ගැන කියපු මේ කතාව ඕනෑම කෙනෙකුගේ හදවතට තදින්ම දැනෙන එකක්.
උසස් පෙළට ලෑස්ති වෙන කාලේ පාඩම් කරන ගමන් චොකලට් කන එක හොඳයි කියලා අහන්න ලැබුණු නිසා සුනීරත් තමන්ගේ අම්මගෙන් චොකලට් ඉල්ලලා තියෙනවා. පවුලේ ලොකු ආර්ථික ප්රශ්න තිබුණත්, අම්මා කටුකොළ බණ්ඩලයක් එක්ක රුපියල් 4,000ක චොකලට් ගෙනැල්ලා දීලා තිබුණේ පුතාගේ හිත රිදවන්න බැරිම තැන. ඒත් පස්සේ බලද්දී තමයි සුනීර දැනගෙන තියෙන්නේ අම්මා ඒ සල්ලි හොයාගෙන තියෙන්නේ තමන්ගේ කනේ තිබුණු කරාබු ජෝඩුව උකස් තියලා කියලා.
පස්සේ කාලෙක ඩ්රීම්ස්ටාර් කිරුළ දිනලා රුපියල් ලක්ෂ 10ක ත්යාග මුදල හම්බවුණු වෙලාවේ, තමන් ආසාවෙන් හිටපු අව් කණ්ණාඩියක් ගන්න රුපියල් 50,000ක් විතරක් තියාගෙන ඉතිරි රුපියල් ලක්ෂ නවයහමාරම ඔහු අම්මාගේ අතට දෙන්නේ පවුලේ තිබුණු ණය බරින් ඇයව නිදහස් කරන්න. “එයාලා ප්රශ්නවල තියලා මට සැප විඳින්න බෑ, හම්බෙන සල්ලිවලින් ඒ අයගේ දේ එක, මගේ දේ දෙක” කියලා ඔහු කියපු කතාව අද කාලයේ තමන්ගේ අතීතය අමතක කරන බොහෝ දෙනෙකුට හිතන්න ලොකු යමක් ඉතිරි කරනවා.
ජීවිතයේ කොච්චර ඉහළට ගියත් තමන් ආපු අමාරු මග සහ ඒ වෙනුවෙන් දෙමාපියන් කරපු කැපකිරීම් මතක තියාගන්න එක තරම් උතුම් දෙයක් තවත් නැහැ.
