“අපෝ ඕට්ස්… මෙලෝ රහක් නෑනේ. නිකන් කැඳ වගේ.”
ගොඩක් අයට ඕට්ස් (Oats) කියපු ගමන් මතක් වෙන්නේ රෝහල් වල දෙන ලෙඩ කෑමක්. හැබැයි ඔබ දන්නවාද, උදේට බත්, පාන් වෙනුවට ඕට්ස් කෝප්පයක් කෑවොත්, ඔබේ ඇඟ ඇතුලේ වෙන “මැජික් එක” ගැන?
සරලවම කිව්වොත්, ඕට්ස් කියන්නේ ඔබේ රුධිර නාල වල තියෙන කොලෙස්ටරෝල් අතුගාන කොස්සක්.
කොහොමද ඕට්ස් වලින් තෙල් අයින් වෙන්නේ?
මේකේ රහස තියෙන්නේ ඕට්ස් වල අඩංගු “බීටා-ග්ලූකන්” (Beta-glucan) කියන දියවෙන සුළු තන්තු (Soluble Fiber) වර්ගය නිසයි.
1. ස්පොන්ජ් තියරිය (The Sponge Effect)
ඔබ ඕට්ස් කෑවම, බඩ ඇතුලේදී ඒක වතුරත් එක්ක එකතු වෙලා ඝන ජෙල් එකක් (Gel) හැදෙනවා. මේ ජෙල් එක හරියට ස්පොන්ජ් එකක් වගේ ක්රියා කරනවා. අපි කන කෑම වල තියෙන නරක කොලෙස්ටරෝල් (LDL) සහ පිත (Bile acids), ලේ වලට උරාගන්න කලින් මේ ජෙල් එක මගින් හිර කරගන්නවා.
2. කුණු බක්කියට දැමීම (Excretion)
ලේ වලට යන්න හදන තෙල් ටික අර ජෙල් එකේ හිර වුනාට පස්සේ, ශරීරය කරන්නේ ඒ ටික මලපහ (Stool) හරහා කෙලින්ම පිට කරලා දාන එකයි. ඒ කියන්නේ ඕට්ස් කනවා කියන්නේ, කොලෙස්ටරෝල් ඇඟට උරාගන්න කලින් අල්ලලා එළියට වීසි කරනවා වගේ වැඩක්.
3. බඩ පිරෙනවා – බර අඩුවෙනවා
ඕට්ස් කෑවම ඉක්මනට බඩ පිරෙනවා වගේම, ආයේ බඩගිනි වෙන්න ගොඩක් වෙලා යනවා. මේ නිසා අනවශ්ය කෑම කන එක අඩුවෙලා ඉබේම බර අඩු වෙනවා.
රසට කන්නේ කොහොමද?
ඕට්ස් රහ නෑ කියන අයට මේ විදියට හදලා බලන්න පුළුවන්:
ලුණු රහට: එළවළු සුප් එකක් වගේ හදලා, ඒකට ඕට්ස් දාලා, ගම්මිරිස් කුඩු ටිකක් ඉහලා කන්න. (හරියට කැඳ එකක් වගේ).
පැණි රහට: ඕට්ස් ටික කිරි වලින් තම්බලා, සීනි වෙනුවට කෙසෙල් ගෙඩියක් හෝ රට ඉඳි දාලා කන්න.
මාසයක් උදේට ඕට්ස් කාලා බලන්න. ඊළඟ වතාවේ ලේ චෙක් කරද්දී (Lipid Profile), ඔබේ ඩොක්ටර් පුදුම වෙයි.
කොලෙස්ටරෝල් පෙති බොන අම්මාට, තාත්තට මේ ගැන කියලා දෙන්න.
Weda Mahatha.
