ශ්රී ලංකීය සංගීත ක්ෂේත්රයේ දැවැන්ත සලකුණක් තැබූ, මුළු රටම ආදරයෙන් ‘ජාතියේ යශෝරාවය’ ලෙස හැඳින්වූ ප්රවීණ ගායන ශිල්පිනී ආචාර්ය නන්දා මාලනී අභාවප්රාප්ත වී තිබේ. මියයන විට ඇය 82 වැනි වියේ පසුවිය.
අලුත්ගම ලෙවන්දූවේදී 1943 අගෝස්තු 23 වැනි දින උපත ලැබූ ඇය, සිය මෞළික යෞවන වියේදී කොළඹ කොටහේන ශ්රී ගුණානන්ද විද්යාලයෙන් අධ්යාපනය ලබාගත්තාය. එහිදී ටී.එන්. මාග්රට් පෙරේරා ගුරුතුමියගේ මඟපෙන්වීම යටතේ ශ්රී ලංකා ගුවන් විදුලි සංස්ථාවේ කරුණාරත්න අබේසේකරයන්ගේ සුප්රකට “ළමා මණ්ඩපය” වැඩසටහනට සම්බන්ධ වෙමින්, “බුදු සාදු” ගීතය ගැයීමෙන් ඇය සිය අසමසම කලා ජීවිතයට අඩිතාලම දැමුවාය.
දශක ගණනාවක් පුරා අපේ රටේ සුගම සංගීත ක්ෂේත්රය පෝෂණය කිරීමට ඇය ඉටු කළ මෙහෙවර වචනයෙන් විස්තර කළ නොහැකිය. ඒ අසහාය හඬ පෞරුෂය සදහටම නිහඬ වීම සමස්ත කලා ලෝකයටම මෙන්ම මෙරට බෞද්ධ හා සංස්කෘතික සමාජයටද දරාගත නොහැකි පාලුවකි.
ජාතියේ මතකයේ සදා රැඳෙන ගී රැසකට පණ දුන් ආචාර්ය නන්දා මාලනී මහත්මියට අපගේ නිርවාණ සුව ප්රාර්ථනා එකතු කරමු! 🌸🌿
