“අම්මලට මොන පන්තිද? බැඳලා මොන විභාගද? ගෙදර වැඩක් කරන් ඉන්නේ නැතුව…” සමාජයෙන් එල්ල වුණු මේ කටුක වචන හමුවේ නොසැලී තමන්ගේ අධ්යාපනික සිහිනය ජයගත් අපූරු මවකගේ සංවේදී කතාවක්!
යන්තම් වයස අවුරුදු 18 සම්පූර්ණ වෙද්දීම විවාහ දිවියට එළඹුණු ඇයට, ඒ කාලයේ ජීවිතය පිළිබඳව ලොකු අවබෝධයක් තිබුණේ නැත. නමුත් විවාහයෙන් වසර 5කට පසු ඇය තම ජීවිතයේ ලොකුම අභියෝගය භාරගත්තාය. ඒ දරු සුරතල් බලන අතරතුර නැවතත් උසස් පෙළ විභාගයට මුහුණ දීමයි.
සමාජයේ බොහෝ දෙනෙක් ඇගේ දරුවාගෙන් “කෝ අම්මා?” කියා අසද්දී, දරුවා “අම්මා පන්ති ගියා” යැයි කී විට ඒ දෙස උපහාසයෙන් බැලූ පිරිස් එමටය. “බැඳලා ළමයිනුත් හදලා මොන ඉගෙනීම්ද?” කියා ඇගේ උත්සාහය අධෛර්යමත් කිරීමට උත්සාහ කළ අයද සිටියහ.
නමුත් ඒ සියලු බාධක හා විවේචන මැද ඇය වෙනුවෙන් ශක්තිමත් පවුරක් මෙන් සිටියේ ඇගේ ආදරණීය සැමියාය. ඔහුගේ අපරිමිත සහයෝගය සහ ඇගේ නොපසුබස්නා උත්සාහය නිසාම, උසස් පෙළ විභාගයෙන් දිස්ත්රික්කයේ 14 වෙනියා ලෙස ඉහළින්ම සමත්ව විශ්වවිද්යාල වරම් හිමිකර ගැනීමට ඇයට හැකි විය. අවසානයේ උපාධි ලෝගුව පැළඳ තම සැමියා සහ ආදරණීය දියණිය සමඟ සිනහමුසුව ඡායාරූපයකට පෙනී සිටින්නේ ඒ අප්රතිහත ධෛර්යයේ ප්රතිඵලය ලොවටම පෙන්වමිනි.
විවාහය හෝ මව්පදවිය කියන්නේ කාන්තාවකගේ සිහින හා අධ්යාපනය අවසන් වන තැනක් නොවේ; නිසි අවබෝධය, අරමුණ සහ සහකරුවාගේ සැබෑ ආදරය හා සහයෝගය ඇත්නම් ඕනෑම බාධකයක් ජයගත හැකි බවට මෙය කදිම සාක්ෂියකි.
– නිළිණි මදුවන්ති –
සමාජයේ සම්ප්රදායික රාමු සහ පසුගාමී ආකල්ප බිඳ දමමින්, තමන්ගේ හීන හඹා යන සෑම දිරිය කාන්තාවකටම ඇගේ මේ සාර්ථකත්වය විශාල ආදර්ශයකි. ජීවිතයේ සැබෑ සතුට හා සාර්ථකත්වය ඇත්තේ එකිනෙකාගේ සිහින වලට ශක්තියක් වෙමින් එකට ගොඩනැගෙන පවුල් ජීවිතයක් තුළයි
.
විවාහයෙන් පස්සේ තමන්ගේ අධ්යාපන සිහින අතහැර දැමූ ඇයට ශක්තියක් වෙමින් ඇයගේ අධ්යාපන සිහිනය සැබෑ කළ ඔහුට හදවතේ උත්තමාචාරය
