අනතුරට පත් එයාර් ඉන්දියා යානය ගැන සමාගමෙන් විශේෂ ප්‍රකාශයක්

ඒ සිද්ධිය ගැන අද ලොවක් කම්පා වෙනවා..

මේ තරම් ක්ෂණයකින් ජීවිත බොහෝමයක් අහිමි වුණු ඒ අනතුර අදටත් හෙටටත් බොහෝ දෙනාගේ මතකයක් බවට පත් වේවි..

බටහිර ඉන්දියාවේ අහමදාබාද් ගුවන් තොටුපළෙන් ගුවන් ගත වී මිනිත්තුවකටත් අඩු කාලයකදී ලන්ඩන් බලා යන බෝයිං 787-8 ඩ්‍රීම්ලයිනර් යානයක් වන AI171 ගුවන් ගත වී මිනිත්තුවකටත් අඩු කාලයකදී අනතුරට ලක් වූ විට අවම වශයෙන් පුද්ගලයින් 270 දෙනෙකුට දිවි අහිමි වුණා..

මේ කියන්න යන්නේ අන්න ඒ ගුවන් අනතුරෙන් පසු ඇසෙන තවත් එක් කතාවක් ගැනයි..

පසුගිය සතියේ කඩා වැටුණු එයාර් ඉන්දියා ගුවන් යානයේ එක් එන්ජිමක් අලුත් වූ අතර අනෙක දෙසැම්බර් වන තෙක් සේවා සැපයීමට නියමිතව නොතිබූ බව ගුවන් සමාගමේ සභාපතිවරයා පවසනවා..

ඉන්දියානු ප්‍රවෘත්ති නාලිකාවක් සමඟ සම්මුඛ සාකච්ඡාවකට එක්වෙමින් එන්. චන්ද්‍රසේකරන් පැවසුවේ ගුවන් යානයේ එන්ජින් දෙකටම “පිරිසිදු” ඉතිහාසයක් ඇති බවයි..

“දකුණු එන්ජිම 2025 මාර්තු මාසයේදී ස්ථාපනය කරන ලද නව එන්ජිමක් වෙන අතර වම් එන්ජිම අවසන් වරට සේවා සපයන ලද්දේ 2023 දී වන අතර 2025 දෙසැම්බර් මාසයේදී එහි ඊළඟ නඩත්තු පරීක්ෂාව සඳහා නියමිතව තිබූ බවයි” ඔහු පවසා සිටියේ..

“කළු පෙට්ටිය සහ පටිගත කරන්නන් නිසැකවම කතාව කියනු ඇති බව සියලුම විශේෂඥයින් මට පවසා ඇත. එබැවින්, අපට ඒ සඳහා බලා සිටීමට සිදුවනු ඇත,” යනුවෙනුයො ඔහු වැඩිදුරටත් පවසා සිටියේ..