සමාජ මාධ්යවල “දකුණේ භාෂාවෙන්” කතා කරමින්, කටට රහට කෑම හදන ප්රශාන් මලීශ කිව්වම නොදන්න කෙනෙක් දැන් නැති තරම්.
ගාල්ලේ උපන් 24 හැවිරිදි ප්රශාන් මලීශ විදානගේ, අද වෙනකොට යූටියුබ් සහ ෆේස්බුක් ලෝකයේ පෙරළියක් කරලා තියෙන්නේ ඔහුගේ අපූරු ඉවුම් පිහුම් රටාව නිසාමයි.
හැබැයි අද අපි ඔහු ගැන කතා කරන්නේ කෑමක් ගැන නෙවෙයි, ඔහු අලුත් අවුරුද්දේ කරපු අතිශය මනුෂ්යත්වයෙන් පිරි වැඩක් ගැනයි.
ප්රශාන්ගේ වීඩියෝ බලන අයට ඔහුගේ වීඩියෝවල ඉන්න ආච්චිලා සීයාලා හරිම හුරුපුරුදුයි. දවසක් ප්රශාන් එක්තරා සීයා කෙනෙක්ගේ ගෙදරට ගියේ වීඩියෝ එකක් කරන්න හිතාගෙන. හැබැයි එදා ඒ සීයා ජීවත් වෙන ගරාවැටුණු ගෙදර දැක්කම ප්රශාන්ගේ හිත ගොඩක් රිදුණා.
“ඇත්තටම එදා ඒ ගෙදර ජීවත්වෙන්න පුළුවන් පරිසරයක් තිබුණේ නෑ. ඒ වෙලාවේ මට හිතුණා කොහොමහරි කරලා සීයට ගෙයක් හදලා දෙන්න…” ජනවාරි 1 වැනිදා ලැබුණු ලොකුම තෑග්ග තමන්ගේ යූටියුබ් නාලිකාවෙන් ඉපැයූ මුදලත්, ගමේ යාළුවන්ගේ සහ හිතවතුන්ගේ ශ්රමයත් එකතු කරලා ප්රශාන් මේ දැවැන්ත කටයුත්ත ආරම්භ කළා. ඉතා කෙටි කාලයකින් ඒ නිවසේ වැඩ අවසන් කරලා, පහුගිය ජනවාරි 01 වැනිදා පිරිත් කියලා සීයාට ඒ අලුත් නිවස බාර දුන්නා.”
ඒ වෙලාවේ සීයාගේ දෑසින් වැටුණු සතුටු කඳුළු, ප්රශාන් ලබපු ලොකුම සම්මානය වුණා.
ප්රශාන් කියන්නේ සංගීතයටත් හරිම දක්ෂයෙක්. බේස් ගිටාර් එකක් අතට ගත්තම ඔහු නියම සංගීතඥයෙක්. හැබැයි මොන ලොකු රෙස්ටෝරන්ට් එකක වැඩ කළත්, රටම දන්න චෙෆ් කෙනෙක් වුණත්, ප්රශාන් තවමත් ආසම ඔහුගේ අම්මා අතින් හදන බත්පතටයි.
දකුණේ අනන්යතාවය රැකගෙන, ගමේකම ලෝකෙටම පෙන්වන ප්රශාන්ගේ ලොකුම හීනය තමයි ලංකාවේ තව තවත් ඉහළට අරගෙන යන එක.
