පන්සල් බිමක හිඳගෙන ලියැවුණු වුවත්, මේ ගී පදවල තිබුණේ පොළොවේ පය ගසා ජීවත් වන සාමාන්ය මිනිසුන්ගේ හුස්මයි. බුදුදහමේ ගැඹුරු දහම් කරුණු සරල අයුරින්ද, ප්රේමය සංයමයෙන්ද, විරහව සියුම් අලංකාරයෙන්ද ගීතයට කැටි කළ පූජ්ය රඹුක්කන සිද්ධාර්ථ හිමියන් අප අතරින් සමුගෙන ගියද, උන්වහන්සේගේ නිර්මාණ අපේ සංස්කෘතික සටහන තුළ සදානුස්මරණීයයි.
අපේ සංගීත ක්ෂේත්රයට අමරණීය අත්දැකීම් රැසක් දායාද කළ උන්වහන්සේගේ පෑනෙන් හැඩවුණු ගීත අතර “සඳ තරු මල්”, “නුඹට හිතැති නුඹ හිත නැති”, “ළා දළු බෝපත්”, “මේ ඉර හඳ යට”, සහ “සරසවි කඳුළු පාය” වැනි නිර්මාණ අදටත් රසික හදවත් තුළ රැඳී තිබේ. එපමණක් නොව, “අව්වට වැස්සට හුරු මිනිසුන්නේ”, “සෙනෙහස පුදා”, “මේ ප්රේම කතා”, “ඔබත් මාත් අතරේ”, සහ “සඳ වතුරක් සේ” ආදී ගීත හරහා උන්වහන්සේ සමාජයේ විවිධ පැතිකඩ සහ මිනිස් සබඳතා ඉතා අපූරුවට මතු කර පෙන්වූහ.
විශේෂයෙන්ම ආගමික භක්තිය හා මානව දයාව මුසු වූ “කඳුළු පැන් කෙණ්ඩියක්”, “හිමි සණරාමර”, “බුදු හාමුදුරුවෝ”, සහ “දෑතින් වැඳලා වැඳලා” වැනි ගීත පද මාලා තුළින් ප්රකට වූයේ සංවේදී මිනිස් සතෙකුගේ හදවතක ගැඹුරයි. මනුෂ්යත්වය උදෙසා උන්වහන්සේ දැක්වූ ඒ අපූර්ව සංවේදී දෘෂ්ටිය සිංහල ගීත සාහිත්යය පෝෂණය කිරීමට විශාල දායකත්වයක් සැපයීය.
සංසාර ගමන කෙටි වී, උතුම් නිוවන් සුව අත්වේවා යි අපි ප්රාර්ථනා කරමු..! 🕊️🙏
