‘The Thing’ වැනි සම්භාව්ය චිත්රපට සහ ‘Punky Brewster’ වැනි ජනප්රිය රූපවාහිනී කතා මාලා හරහා ලොව පුරා ප්රසිද්ධියට පත් ප්රවීණ අමෙරිකානු නළු ටී.කේ. කාටර් (T.K. Carter) අභාවප්රාප්ත වී තිබෙනවා.
මියයන විට ඔහු 69 වන වියේ පසුවූවා.
පසුගිය සිකුරාදා (09) කැලිෆෝනියාවේ ඩුවාර්ටේහි පිහිටි ඔහුගේ නිවසේදී ඔහු සිහිසුන්ව සිටියදී පොලිසිය විසින් සොයාගෙන ඇති අතර, එම ස්ථානයේදීම ඔහු මියගොස් ඇති බව තහවුරු වී තිබෙනවා.
මරණයට නිශ්චිත හේතුවක් මෙතෙක් අනාවරණය කර නොමැති වුවද, එහි සැකකටයුතු ස්වභාවයක් නොමැති බව ලොස් ඇන්ජලීස් ප්රාන්ත ෂෙරිෆ් දෙපාර්තමේන්තුව පවසනවා.
ටී.කේ. කාටර් දශක පහකට ආසන්න කාලයක් රංගන ක්ෂේත්රයේ නියැලී සිටි දක්ෂයෙක්.
1982 වසරේ තිරගත වූ ‘The Thing’ චිත්රපටයේ ඔහු රඟපෑ ‘Nauls’ නම් චරිතය කාගේත් අවධානයට ලක්වූ අතර, මීට අමතරව ‘Space Jam’ (1996), ‘Seems Like Old Times’ (1980) සහ ‘Ski Patrol’ (1990) වැනි චිත්රපටවලටද ඔහු දායක වී තිබෙනවා.
‘Punky Brewster’ හි මයික් ෆුල්ටන් ලෙස කළ රංගනය ඔහු වඩාත් ජනප්රිය වීමට හේතු වුණා.
මෑත කාලීනව ‘Dave’ සහ ‘The Company You Keep’ (2023) වැනි කතා මාලාවලද ඔහු රංගනයෙන් දායක වී තිබෙනවා.
‘The Transformers’ සහ ‘Jem’ වැනි ප්රකට කාටූන් කතා මාලා සඳහා ද ඔහු හඬින් දායක වී ඇති බවයි විදෙස් මාධ්ය සඳහන් කරන්නේ.
කාටර්ගේ අභාවය සම්බන්ධයෙන් ඔහුගේ ප්රසිද්ධ නියෝජිත ටෝනි ෆ්රීමන් ප්රකාශ කළේ, ඔහු සෑම චරිතයකටම මානුෂීය බවක් සහ සත්යයක් එක් කළ, ක්ෂේත්රයේ සැමගේ ගෞරවයට පාත්ර වූ කලාකරුවෙකු වූ බවයි.
