අලිගැටපේර: ඔබ නොදත් විශ්මිත සෞඛ්‍ය රහස්!
අපේ ශරීරයට අත්‍යවශ්‍ය පෝෂක අඩංගු ආහාර අතරින් අලිගැටපේර වලට හිමි වෙන්නේ සුවිශේෂී ස්ථානයක්. සාමාන්‍යයෙන් සීතල ආහාරයක් ලෙස හැඳින්වුවත්, මේ රසවත් පලතුරේ සැඟවුණු සෞඛ්‍ය ප්‍රතිලාභ ගැන ඔබ දැන සිටියාද? බොහෝ අය බර වැඩි වේවි කියලා හිතලා අලිගැටපේර කෑමෙන් වැළකී සිටියත්, ඇත්තටම එය ඔබේ සෞඛ්‍යයට ඉතා හිතකරයි.
අද ලෝකය පුරාම අලිගැටපේර සඳහා විශාල ඉල්ලුමක් තියෙනවා. එයට හේතුව මේ පලතුරේ ඇති විශ්මිත ගුණාංගයි.
අලිගැටපේරවල ඇති ප්‍රධාන පෝෂක කොටස්:
විටමින් K – 26%
ෆෝලේට් – 20%
විටමින් C – 17%
පොටෑසියම් – 14%
විටමින් B6 – 13%
විටමින් E – 10%
සම පැහැපත් කරන, හිසකෙස් පෝෂණය කරන පලතුර
අලිගැටපේර වල ඇති වැඩිම වාසියක් ලැබෙන්නේ ඔබේ සමටයි. ප්‍රබෝධමත්, පැහැපත් සමකට, දීප්තිමත් දෑසකට සහ නිරෝගී වරලසකට අලිගැටපේර තරම් ගුණදායක තවත් කෑමක් නැති තරම්.
හෘදයට සහ රුධිර සංසරණයට හිතකරයි
අලිගැටපේරවල ඇති පොටෑසියම් රුධිර පීඩනය පාලනය කිරීමට උදව් කරනවා.
එහි අඩංගු මොනෝ අසංතෘප්ත මේදය (Monounsaturated Fat) හෘදයට හිතකර හොඳ කොලෙස්ට්‍රෝල් ප්‍රමාණය වැඩි කරනවා. මේ නිසා හෘද රෝග ඇතිවීමේ අවදානම අඩු කරගන්න පුළුවන්.
ආහාර ජීර්ණ පද්ධතියට සහ බර පාලනයට
අලිගැටපේරවල ඇති කෙඳි (fiber) සහිත බව නිසා බඩවැල්වල ක්‍රියාකාරිත්වය හොඳින් පවත්වා ගැනීමට උදව් වෙනවා. ඒ වගේම බඩවැල්වල ඇති තුවාල සුව කිරීමටත් මෙය උපකාරී විය හැකියි. ගැස්ට්‍රයිටිස් රෝගයෙන් පෙළෙන අයට මෙය ඉතා වැදගත් ආහාරයක්.
සාමාන්‍ය අලිගැටපේර ගෙඩියකින් ලැබෙන්නේ කැලරි 160ක් පමණයි. ආහාර වේලකට පෙර එය කෑමෙන් අනවශ්‍ය ලෙස ආහාර ගැනීම පාලනය කරගන්න පුළුවන්.
කැලරි ගැන බියෙන් තොරව කන්න
දිනපතා උදෑසන සීනි රහිත අලිගැටපේර ගෙඩියක් ආහාරයට ගැනීමෙන් ඔබට මේ සියලු ප්‍රතිලාභ ලබාගන්න පුළුවන්. ලෝකයේ ප්‍රසිද්ධ හෝටල්වල පවා අලිගැටපේර බටර් යොදා සෑදූ සැන්ඩ්විචස් ඉතා ජනප්‍රියයි. එයට හේතුව එයින් ලැබෙන සෞඛ්‍ය වාසි ගැන ඔවුන් දන්නා නිසයි.
අලිගැටපේරවල ඇති ඇන්ටිඔක්සිඩන්ට් සංයෝග නිසා දෑස්වලට අසාමාන්‍ය දීප්තියක් ගෙන එනවා. මේ තරම් ගුණදායක පලතුරක් ලෝකයේ තවත් ඇත්දැයි ඔබට හිතේවි. ඒ නිසා අදම ඔබේ ආහාර වේලට අලිගැටපේර එක්කරගන්න.
