මෙරට අම්මලා තාත්තලාගේ දෑසට කඳුළු නංවන පුවතක් ජාතික පිළිකා මර්ධන වැඩසටහන මගින් අනාවරණය කර තිබෙනවා.
ඒ වාර්ෂිකව ශ්රී ලංකාවෙන් අලුතින් ළමා පිළිකා රෝගීන් 900ක් පමණ වාර්තා වන බවයි.
විශේෂඥ වෛද්ය සුරාජ් පෙරේරා මහතා පෙන්වා දෙන්නේ මේ දක්වා මේ සඳහා නිශ්චිත හේතුවක් හඳුනාගෙන නොමැති වුවත්, මුල් අවස්ථාවේදීම හඳුනා ගැනීමෙන් තම ආදරණීය පැටියාගේ ජීවිතය බේරාගත හැකි බවයි.
වෛද්යවරුන් අවධාරණය කරන්නේ තම පුංචි පැටියා තුළ පහත සඳහන් යම් අසාමාන්ය ලක්ෂණයක් දුටුවහොත් කිසිසේත්ම එය සුළු කොට තකන්න එපා කියායි..
පුංචි සිරුරේ කොතැනක හෝ ඇතිවන අසාමාන්ය ගෙඩි හෝ ඉදිමුම්.
කිරි කැටියා වෙනදාට වඩා අසාමාන්ය ලෙස සුදුමැලි වීම.
ක්රියාශීලී බව අඩුවී නිතර අලස ගතියක් පෙන්වීම.
නිතර ඇතිවන තද උණ හෝ ශරීරයේ වේදනාවන්.
“පුංචි පැටවුන් තුළ මෙවැනි වෙනසක් දුටු සැණින් එය සාමාන්ය දෙයක් යැයි සිතා කාලය නාස්ති නොකර, වහාම සුදුසුකම් ලත් වෛද්යවරයෙකු වෙත යොමු කරන්න.” යනුවෙන් වෛද්යවරයා වැඩිදුරටත් ඉල්ලා සිටිනවා.
