අපේ රටේ කලා ලෝකයේ හාස්ය රජදහනේ අමතක නොවන චරිත දෙකක් තමයි බන්දු සමරසිංහ සහ බිංදු කියන්නේ.
පසුගිය කාලය පුරාවටම මේ දෙන්නා අතර යම් යම් මතභේද සහ සිත් රිදවීම් තිබුණු බව අපිට අහන්න ලැබුණා. හැබැයි මේ අවුරුදු සමයේ හැමෝම පුදුම කරවන, හිතට ලොකු සතුටක් ගෙන දෙන පින්තූරයක් සහ පුවතක් දැන් සමාජ මාධ්ය හරහා හුවමාරු වෙනවා.
කාලයක් තිබුණු ප්රශ්න, හිතේ තිබුණු පරණ කතා ඔක්කොම අමතක කරලා දාලා මේ අලුත් අවුරුද්දේ බන්දු සමරසිංහයන්ව බලන්න බිංදු ගිහින් තිබුණා. දහසක් බලාපොරොත්තු මැද දෙන්නා අත් අල්ලාගෙන හිනාවෙලා ඉන්න ඒ පින්තූරය දුටු රසිකයන් පවසන්නේ, “මේක තමයි වෙන්න ඕන හොඳම දේ” කියලා.
මේ හමුවීමේදී තවත් හරිම අපූරු දෙයක් සිද්ධ වෙලා තියෙනවා. බන්දු මහත්මයා පවසන්නේ ඕනෑම වෙලාවක බිංදුට තමන්ව බලන්න එන්න පුළුවන් බවයි. ඒ විතරක් නෙමෙයි, බිංදුගේ දරුවෝ දෙන්නා ලොකු වෙලා ඉස්කෝලේ යන කාලෙදී බන්දු ජීවතුන් අතර හිටියොත්, ඒ දරුවන්ව හොඳම ඉස්කෝලෙකට දාලා දෙන්නත් බන්දු මෙහිදී පොරොන්දුවක් වෙලා තියෙනවා. ඒ වචන ටික ඇත්තටම හරිම සංවේදීයි.
කලාව ඇතුළේ එකිනෙකාට තරඟ කරනවා වෙනුවට මේ විදියට සහෝදරත්වයෙන් එකට ඉන්න එක ගැන රසිකයන් ඉන්නේ හරිම සතුටින්. ආරංචි වෙන විදියට මේ දෙන්නා එකතු වෙලා ඉදිරියේදී අලුත් කලා නිර්මාණයක් කරන්නත් සූදානමක් තියෙනවා කියලයි කියන්නේ.
