මේ අද උදේම ඇහුණු හද සසල වෙන කතාවක් ගැන ඇහෙන කතාවක්…
මහියංගණය, වියානා ඇලේ ගිලී අතුරුදන් වූ තරුණියගේ සිරුර අද දවල් සොයාගෙන තිබෙනවා.
පොලිසිය සහ ප්රදේශවාසීන් එක්ව කළ සෝදිසියේදී, දියබානාවැව ප්රදේශයෙන් එම මළ සිරුර සොයා ගත් බවයි පොලිසිය සදහන් කරන්නේ.
අනතුරින් මිය ගොස් ඇත්තේ 26 හැවිරිදි තරුණියක් වන අතර ඇය රජරට විශ්වවිද්යාලයේ සිසුවියක් වෙනවා.
ඇය හම්බන්තොට ප්රදේශයේ පදිංචිකාරිණියක් බව සඳහන්.
මෙම තරුණිය සහ ඇයගේ පෙම්වතා ඇල කණ්ඩිය මත ඊයේ පස්වරුවේ ඇවිදිමින් සිට ඇති අතර එහිදී පෙම්වතා ඇලට වැටී ගසා ගෙන ගොස් තිබෙන බවයි පැවසෙන්නේ.
එහිදී පෙම්වතා බේරාගැනීමට තරුණිය ඇලට පැනීමේදී දෙදෙනාම දිය පාරට හසුව ඇති බවයි පොලිසිය පවසන්නේ.
ඒ මොහොතේ එය දුටු ඒ අසලින් ගමන් කළ මහියංගණ පොලිස් විද්යාලයට අනුයුක්තව සේවය කරනු ලබන පො.කො 86726 කේ.ජී සුමේධ බණ්ඩාර නිලධාරියා වහා ඇලට පැන ගලා යන දැවැන්ත ජල කඳ සමඟ පොරබඳා අනතුරට පත් තරුණයා බේරාගෙන තිබුණා.
ඒ ඔහුගේ බිරිඳගේ සහයෝගයද මතයි.
