“අනේ මේ මොකක්ද වුණේ..මට මේ මුකුත් තේරෙන්නේ නැහැ. මගේ මහත්තයා කාටවත් කරදරයක් නැති රත්තරං මනුස්සයෙක්.. එයා මට හරිම ආදරෙයි..කවදාවත් මගේ හිත රිදෙන්න කිසිම දෙයක් කරල නැහැ..වචනයක්වත් කියල නැහැ…ඔෆිස් එකේ හැමෝම ගිය නිසා තමයි එයා මේ ගමන ගියේ..ඒ් ගිහිනුත් මට වරින් වර කතා කළා..අන්තිමට කතා කළේ රාවණා ඇල්ල ළග ඉන්නවා කියලයි.. ඇයි දෙයියනේ අපිට මෙහෙම වුණේ..?? ඇය එසේ අසමින් කෑ ගසා ඇඩුවා.
ඉනෝකා හිතුවේ තමන්ගේ ආදරණීය ස්වාමි පුරුෂයා තවත් පැය දෙකකින් ගෙදර ඒවී කියලා. ඒ් අවසන් වරට කතා කරද්දි ඔහු ඉන්නවා යැයි කියූ තැනත් එක්ක ඇය වෙිලාව ගලපලා බැලූ නිසා.
” මම රෑ 10.00 පහු වුණාට පස්සේ කෝල් ගත්තා. ඒ්ත් ෆෝන් වැඩ කළේ නැහැ. ඊට පස්සේ මම තවත් දන්න අයට ගත්තා. ඒ්ත් කිසිම කෙනෙක් සම්බන්ධ කරගන්න බැරි වුණා. ඔය වෙලාවේ තමයි මේ අනතුර ගැන මම නිව්ස් එකක් දැක්කේ. මගේ රත්තරං මහත්තය මට නැති වුණා.. එයා කිසිම වරදක් නැති මනුස්සයෙක්..ඇයි එයාට මෙහෙම වුණේ..???
මිය ගිය නාමල් විවාහ වුණේ පසුගිය ජූලි මාසේ 02 වැනිදා. ඒ්ත් ඒ් සතුට ඊයේ දිනයෙන් අවසන් වුණා. දෛවය ඒ් තරම්ම ඔවුන්ට කුරිරු වුණා. ඒ් දුක ඉනෝකා කදුළු සලමින් අපි එක්ක කෑ ගසා කිව්වා.
