ගංවතුර බැස්සට “මාරයා” ගියේ නෑ: කුණාටුවෙන් බේරුණු ජීවිතය “මඩ වතුරට” බිලි දෙන්න එපා!🔴
කුණාටුව ගියා… ඒත් ඒක ඉතුරු කරලා ගියේ ලොකු විනාශයක්. අද අපේ රටේ දහස් ගණන් අම්මලා තාත්තලා දරුවෝ ඉන්නේ පන්සලක, ඉස්කෝලෙක, නැත්නම් තමන්ගේ කැඩුණු ගෙදර නටබුන් මැද.
ගෙදර තිබුණු බඩු මුට්ටු ටික මඩේ ගිහින්. ඇඳන්, මෙට්ට, පොත්පත් ඔක්කොම මඩේ. මේ වෙලාවේ හැමෝම හදන්නේ කොහොම හරි මේ මඩ ටික හෝදලා දාලා, ආයෙත් ජීවත් වෙන්න පටන් ගන්න. පාවහන් නැතුව, හිස් අතින් මඩ අස්සේ බැහැලා වැඩ කරනවා.
නමුත් පරිස්සම් වෙන්න… මේ මඩ ගොඩවල් අස්සේ, ගංවතුර අස්සේ හැංගිලා ඉන්නවා කුණාටුවට වඩා භයානක නිහඬ මාරයෙක්. ඒ තමයි “මී උණ” (Leptospirosis).
💁♀️ඇයි මේ වෙලාවේ “මී උණ” මෙච්චර භයානක?
ගංවතුර ගලනකොට, කාණු පද්ධති, කුණු ගොඩවල්, කුඹුරු ඔක්කොම එකට එකතු වුණා. මීයන්ගේ, ගවයන්ගේ මල මූත්ර මේ වතුරට මිශ්ර වුණා.
දැන් වතුර බැස්සට, ඒ විෂබීජ (බැක්ටීරියාව) තාම තියෙන්නේ අර මඩේ.
අපේ ගෙවල් අහිමි වුණු, කඳවුරුවල ඉන්න අයගේ කකුල්වල පොඩි පොඩි තුවාල තියෙන්න පුළුවන්. කටු ඇනිලා, ගල්වලට හීරිලා වෙන්න පුළුවන්. නැත්නම් “දියමිටි” කාලා වෙන්න පුළුවන්.
😓ඔබ පාවහන් (Boots) නැතුව මේ මඩේ ඇවිදිනකොට, ගෙවල් සුද්ද කරනකොට… අර බැක්ටීරියාව ඔබේ කකුලේ තියෙන, ඇහැට පේන්නෙවත් නැති පුංචි තුවාලෙකින් ඇඟ ඇතුළට රිංගනවා.
💁♀️මේක ඔයාව රවට්ටලා මරණ ලෙඩක්
මී උණ හැදුණම මුලින් එන්නේ සාමාන්ය උණක්. “ආ… මේ වැස්සට තෙමුණ නිසා හැදුණු හෙම්බිරිස්සාව වෙන්න ඇති,” නැත්නම් “ගෙවල් සුද්ද කරලා මහන්සියට ඇඟ පත රිදෙනවා ඇති” කියලා ඔබ හිතනවා.
ඔබ බෙහෙත් නොගෙන, පැරසිටමෝල් දෙකක් බීලා ඉන්නවා. හරියටම දවස් දෙකක් යනකොට… වකුගඩු (Kidneys) නරක් වෙන්න පටන් ගන්නවා.
💁♀️මේ ලක්ෂණ ගැන අවදියෙන් ඉන්න
1. තද උණ සහ සීතල.
2. දරාගන්න බැරි මස් පිඩු වේදනාව: විශේෂයෙන්ම කකුලේ වලලුකරට උඩින් (Calf muscles) අත තියන්නවත් බැරි තරම් රිදෙනවා නම්, ඒක 90%ක්ම මී උණ.
3. ඇස් රතු වීම: ඇස්වල සුදු කොටස ලේ පාටට රතු වෙනවා.
4. මුත්රා තද පාට වීම/අඩු වීම.
💁♀️කඳවුරුවල සහ ගෙවල් සුද්ද කරන අයට විශේෂ පණිවිඩයක්
අපි දන්නවා, මේ වෙලාවේ “බූට්ස් දාගෙන වැඩ කරන්න” කියන එක විහිළුවක්. මිනිස්සුන්ට බොන්න වතුර ටික නෑ, කොහෙද බූට්ස් හොයන්නේ?
ඒ නිසා ප්රායෝගිකව කරන්න පුළුවන් දේ මෙන්න
1. “ඩොක්සි” බෙහෙත ඉල්ලගන්න (Lifesaver Pill)
ඔබ ඉන්නේ කඳවුරක නම්, නැත්නම් මඩ වතුරේ බැහැලා ගෙවල් සුද්ද කරන්න යනවා නම්, ළඟම ඉන්න PHI මහත්තයාගෙන් හෝ රෝහලෙන් “ඩොක්සිසයික්ලින්” (Doxycycline) කරල් ඉල්ලගන්න. මේකෙන් ඔබේ ජීවිතේ බේරගන්න පුළුවන්. (වෛද්ය උපදෙස් මත පමණක් ගන්න).
2. තුවාල වහගන්න
කකුලේ පොඩි හරි තුවාලයක් තියෙනවා නම්, ඒක ප්ලාස්ටර් එකකින් හොඳට වහගන්න. බූට්ස් නැත්නම්, අඩුම තරමේ ඝනකම පොලිතින් කවර දෙකක්වත් කකුල් දෙකේ ගැටගහගෙන මඩට බහින්න.
3. සබන් ගා හෝදන්න
මඩේ වැඩ කරලා ඉවර වුණු ගමන්, කකුල් සහ අත් සබන් ගාලා, පිරිසිදු වතුරෙන් හොඳට හෝදගන්න. විෂබීජයට ඇඟ ඇතුළට යන්න වෙලාව තියන්න එපා.
ඔබ ගංවතුරට අහු වුණු කෙනෙක් නම්, පොඩි හරි උණක් ආපු ගමන් ගෙදර බෙහෙත් කරන්න එපා. ළඟම තියෙන ඉස්පිරිතාලෙට දුවන්න. දොස්තර මහත්තයාට කියන්න “මම ගංවතුරට අහු වුණා, මඩේ ඇවිද්දා” කියලා.
කුණාටුවෙන් අපි ජීවිතේ බේරගත්තා. දැන් ඒ බේරගත්ත ජීවිතේ, මීයන්ට බිලි දෙන්න එපා.
මේ පණිවිඩය, අවතැන් වී සිටින අපේම සහෝදර ජනතාව වෙනුවෙන් ශෙයා කරන්න. අනිවාර්යයෙන් එයාලව හම්බවුනාම මේ එන වසංගත තත්වය ගැන එයාලව දැනුවත් කරන්න අමතක කරන්න එපා. එයාලට මේ පෝස්ට් පේන්නේ නෑ.❤️ එයාලට මේ දේවල් කරන්න බැරි වෙයි. ඒත් රෝග ලක්ශන ආවොත් ඒ ගැන අවධානෙන් ඉන්න හරි එයාට පුළුවන් වෙයි.
ස්තූතියි.
-හෙදියකගේ දිනපොත-
